الأربعاء 21 ديسمبر 2022 03:54 مساءً - سردت المذيعة الشهيرة أميرة بهي الدين عبدالله، مقدمة برنامج “افتح باب قلبك” على قناة “cbc” الفضائية، تفاصيل نجاتها من الموت بأعجوبة بسبب الوسادة الكهربائية التي حذرت المواطنين منها.
وكتبت أميرة، في منشر عبر صفحتها الرسمية على منصة التواصل الاجتماعي “فيسبوك”، اليوم الأحد: “صحيت الساعة 6 الصبح على ريحة غريبة، وشفت دخان بسيط وسط الضلمة”.
واستطردت: “اتحركت في السرير حسيت بسخونية غريبة جداااا، أنا بنام وحاطة على طرف السرير جنبي بقالي كذا يوم، اللي بيسموها (مخدة كهرباء) صغيرة، بدفي عليها إيدي وأنا بنام”.
واستكملت: “حسيت بسخونية وريحة غريبة ودخان، فتحت النور، لقيت المخدة الكهرباء ساحت واسودت واتحرقت ولزقت في اللي تحتها وفوقها وحرقت البطانية تحتها وفوقها والملاية اتحرقت والمرتبة اتلسعت وريحة الشياط رهيبة”.
وتابعت: “طبعا فزيت فصلت عنها الكهرباء وشلت كل حاجة بعيد عن بعض؛ لأنهم كانوا كلهم سخنين وبيسحيوا ويحرقوا بعض وفتحت الشباك، و ربنا نجاني من أصغر الشرر و أكبر الحرائق و من اللي معرفوش”.
وأردفت الإعلامية: “سبحان من صحاني قبل مالدنيا تزيد عن كده، سبحان من نجاني من شر أكبر ومن الكهرباء اللي سيحت المخدة الكهربائية وحرقت البطاطين والملاية ولسعت المرتبة، سبحان من نجاني من الدخان البسيط والريحة الرهيبة”.
وكتبت قول الله تعالى: “فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ”، مضيفة: “أنا بشكر ربنا على ستره ورحمته و الحمد لله ألف حمد وألف شكر، وإني صحيت قبل ما اتعرض للي مقدرش عليه وربنا انقذني من اللي ماعرفوش ولا قبل لي بتحمله ومواجهته”.
تحذير من الوسادة الكهربائية
وحذرت أميرة بهي الدين المواطنين من شراء الوسادة الكهربائية وأي أشياء مصنعة بطريقة رديئة.
وقالت: “أرجوكم ماتستعملوش الحاجات دي لا وانتم صاحيين ولا انتم نايمين، كلها غالبًا صناعات ردئية تفتقر أي ضمانات أمان، وسبحان الستار القادر الحافظ اللي سبغ ستره ورحمته عليا، وانا نايمة مش دريانة ولا حول لي ولا قوة ، وهو البصير الذي لاينام”.
واختتمت المنشور قائلة: “اتخضيت جداااا ولسه مخضوضة، لكن حامدة ربنا وشاكراة على كل نعمة وربنا يكفينا ويكفيكم شر المستخبي اللهم آمين”.
