باسل النجار = الرياض في الأربعاء 15 نوفمبر 2023 03:46 مساءً - في قلب القاهرة ووسط العشرات من شركات الانتاج ومكاتب الريجسير اتعملت “قهوة بعره” من اكتر من 100 سنة واصبحت اكبر ممول لممثلي الادوار الثانوية في السينما والتليفزيون وكمان خرج منها ممثلين كتير اصبحوا نجوم شباك بعد كده بعد ما كانوا بيبحثوا عن فرصة وظهور صامت او وسط مجموعات في الافلام.

أي مخرج او مدير انتاج بيدور على ممثل كومبارس صامت او متكلم لفيلم او مسلسل او حتى معدات اضاءة او اكسسوارت بمجرد ما يتصل او يروح قهوة “بعره” في شارع “سليمان الحلبي” حيلاقي عشرات الممثلين المهمشين والعمال موجودين طول النهار في القهوة مننتظرين اي دور او فرصة تظهر لكسب العيش.

القهوة اتسمت بالاسم ده على اسم شهرة صاحبها “محمد الزناتي” واللي اطلق عليه الاسم ده كان الراحل “أنور وجدي” واللي كان من رواد القهوة هو ونجوم كتير زي رشدي اباظه وسعيد صالح وعادل امام وفنانين كتير على مدار تاريخ القهوة اللي مسحتها لا تتجاوز 10 امتار.

طبعا مع الانترنت ووسائل التواصل الاجتماعي الموضوع اكيد ما بقاش زي الاول لكن حتفضل قهوه “بعره” الملاذ الاول لممثلي الظل اللي بيبحثوا عن فرصة او دور في اي عمل فني لأنهم ما عرفوش غير المكان ده طول عمرهم.

قلنا في التعليقات.. هل قادتك الظروف انك تقعد على قهوة بعره قبل كده ؟!