السبت 25 نوفمبر 2023 05:08 مساءً - ظهرت الفنانة القديرة صفية العمري كضيفة في أحد البرامج التليفزيونية، وتحدثت أثناء اللقاء عن الكثير من التفاصيل الخاصة بحياتها الشخصية ومشوارها الفني طوال السنوات الماضية، وأيضاً الكثير من الأعمال الفنية التي تخصها.
تصريحات صفية العمري عن حياتها الشخصية
وتحدثت الفنانة صفية العمري عن حياتها الشخصية في برنامج حبر سري، قائلة “مقدرتش أحقق ثروة من الفن ومكناش بنفكر في المادة خالص وكنا بنحب نشتغل للفن.. ولما خلصت مسلسل (ليالي الحلمية) جالي مسلسل (هوانم جاردن سيتي) ولقيت أجري صغير أوي وكان مهين أوي، فقولت لهم معقولة.. فالناس قالولى أنتي غلطانة المفروض ترفعي أجرك”.
واستكملت قائلة “أنا مكنتش برفع الأجر وكنت شغالة لحبي للشخصيات ولما جيت أرفع أجري الناس قالوا لي انتي اللي غلطانة ولقيت نفسي صغيرة وعمري ما فكرت في أجور، زمان كان فيه كتاب وأدباء بيكتبوا للسينما وكان فيه فن هادف وحاجات راقية وموضوعات مهمة جدا وشايفة دلوقتي العملية تجارية أكتر والفنان نفسه عايز يشتغل”.
صفية العمري في حبر سري
وقالت صفية “السينما النظيفة كلمة وحشة ومهينة ومينفعش نقول كده، والسينما فن راقي بتقدم مواضيع فيها فن وفيها تجارة، الكلمة معصباني وده كلام عيب قوي، نجوم الزمن الجميل وأفلام الأبيض وأسود كان في مشاهد تقدم ولكن لم يحدث أي تعليق مهين أو غير أخلاقي على الملابس أو المشاهد”.
وأضافت قائلة “مكنتش عايزة أعمل الجزء السادس من ليالي الحلمية وامتنعت ورفضت، لكن إلهام شاهين وهشام سليم طلبوا مني أنزل وكنت معترضة وشايفة الشخصية دورها خلص، مش بخاف من غدر الرجالة ولا الزمن، واللي بخاف منه تيجي لحظة وولادي بعيد عني وميكنوش جنبي”.
وأنهت قائلة “أكبر مصيبة جت في الكون السوشيال ميديا وبوظت الدنيا كلها وخلت الناس النهاردة يدخلوا في متاهات، متجوزتش تاني لأني بحب ولادي قوي، ولا يمكن كنت أضرهم أو أؤذيهم أو أدخل حد يؤذيهم”.
