باسل النجار = الرياض في الأربعاء 13 ديسمبر 2023 10:53 صباحاً - – معروف أن الوسط الفني في شلل وكده ، انا صعب افتح مجله والاقي أن عبله كامل هتروح حفله مثلا ليه ؟
= انا ما اقدرش اقول ان زمايلي اللي بيحضروا حفلات دي حاجة تعيبهم يعني بس انا ماعنديش وقت ، واي وقت بكون فاضيه بيكون لفسح البنـ ـات وطلباتهم
– الفلوس بالنسبالك بتعني ايه ؟
= يعني هي الفلوس مهمة عشان الناس تصرفها تعيش بيها بس مش هي الاساس بس مهمه عشان نجيب بيها الحاجه
– عادةً النجمات لما بيتشهروا و يبقى معاهم فلوس بيشتروا هدوم سينيه وماركات غاليه ، انتي دايما مشهوره بالهدوم البسيطة .. ممكن تشرحيلي وجهة نظرك في الموضوع ده ؟
= انا شايفه اني بلبس معقول و لما بتبقى فيه فرصه لمناسبة بلبس في حدود المناسبة .. بس بشكل عام انا مش عايشة عشان البس يعني ، بس فيه ناس اذا بيسعدها اللبس ده شئ جميل ينبسطوا بيه
– بمناسبة السعادة ايه هي الحاجات اللي في أولوياتك ؟
= انا عمري ما فكرت في مفهوم السعادة لان السعادة دي بتبقى مواقف و لحظات كدا ، يعني مثلا اول يوم ولادي راحوا في المدرسة ، ده كان يوم سعيد اوي ، يوم استلام جايزة يبقى يوم حلو اوي ، واحدة صاحبتي وحشاني و بقالي كتير ما شوفتهاش لما اشوفها يبقى يوم جميل اوي .
