الأربعاء 20 ديسمبر 2023 11:26 مساءً - جاء رد حمو بيكا على منتقدي سبوع ابنته الذي إقامة في واحد من قاعات الأفراح الكبرى بحسم شديد، وأيضاً على ارتداء زوجته كمية كبيرة من الذهب قي الصور، وهي من الأشياء الذي تصدرت التريند في الأيام الأخيرة الماضية.

حياة حمو بيكا قبل الشهرة

وخرج حمو بيكا في بث مباشر على حسابه الشخصي على موقع التواصل الاجتماعي فيس بوك، قائلاً “سيبوا الملك للمالك، والكلمتين دول للقريب قبل الغريب، أنا طالع من منطقة شعبية اسمها الدخيلة من أسرة متكونة من أربع إخوات والأب والأم وكنا قاعدين في أوضة وصالة والحمام جوه المطبخ، وأول مرة أقول الكلام ده واعذروني كنت قاعد في أوضة وصالة والحمام في المطبخ، وأبويا على باب الله بيسافر ويتغرب ويشقى عشان اللقمة اللي بناكلها بالحلال”.

وتابع بيكا قائلاً “أنا ما دخلتش مدرسة وما اتعلمتش لكن اشتغلت وشقيت واتغربت كتير وأنا صغير، وعمري ما مديت إيدي على حاجة مش بتاعتي وكنت بقول يا رب أكرمني وأبقى حاجة لأهلي، وأنا ما اتولدتش في بقي معلقة دهب وكنت بحب الخير لكل الناس ولحد الوقت ده”.

وكشف عن حياته قبل الشهرة قائلاً “صوري دي تاج هشليها على راسي لحد ما أموت، وكنت راجل شقيان وتعبان وبدأت رحلتي وقلت أجرب اشتغلت وغنيت وجت معايا والناس حبتني لأن دمي خفيف”.

رد حمو بيكا على منتقدي سبوع ابنته

وتحدث بيكا عن زوجته والذهب الذي ارتدته، قائلاً “حوار الدهب اللي مراتي لابساه مش جديد، وفي واحدة معرفهاش اتكلمت وهسمعكوا كمية الحقد والغيرة والنفسنة ومش هي لوحدها اللي بتتكلم بصفار وغل ولو دي حفيدتها أو بنتها وهي قادرة هتعمل أكتر من اللي أنا عملته وأنا معرفهاش وشفت من ده كتير وشفت غل من ده كتير مش فاهم ليه وبتقول مراتي لابسة خمسة ستة كيلو دهب”.

وأما عن رد حمو بيكا على منتقدي سبوع ابنته قائل “أنا فرحت ببنتي وعملت عقيقة ودبحت لها وعملت السنة اللي المفروض تتعمل، وطلعت لحمة وأكلت وعلى طول مش في العقيقة بس، ولكن أنا كنت نادر أعملها الليلة دي”.

وأنهي بيكا حديثة قائلا “عاوز أقول لكل واحد قريب ما تتصلش بيا تطلب مني شيء عشان أنت معاك اللي يديلك وبتطلب ببجاحة أنا مش هديك حاجة، هي الحاجة غصب ما تطلبش ببجاحة وقلة أدب، وخفوا شوية أنا عملت سبوع بنتي إيه المشكلة في ناس بتعمل وبتجيب وبتتهادى بعربيات وألماظ هي الكحكة في إيد اليتيم عجبة”.