باسل النجار = الرياض في الخميس 21 أبريل 2022 11:07 مساءً - كشفت الفنانة دينا الشربيني لأول مرة حول ما إذا كانت هى المقصودة من أغنية عمرو دياب “برج الحوت”.
وقالت دينا الشربيني، خلال حوارها ببرنامج “حبر سري”، مع الإعلامية أسما ابراهيم، على قناة القاهرة والناس: “معرفش فعلا الأغنية ليا ولا لا، وأنا دينا مقدرش أتكلم نيابة عن حد، وعمرو دياب راجل عظيم بحبه جدا واحترمه جدا، وبحاول طول الوقت أبقى انا”.
وأكدت أنها لا تغضب حال ارتباطها بشخص وقام بتشغيل أغنية برج الحوت لها، قائلة: “لو مرتبطة بحد وحصل كده مش هزعل، وأنا حاليا محتاجة اركز في شغلي والحب ملوش خطة”.
وعن مواصفات فتى أحلامها، قالت: “أنا مواصفاتي في اللي عايزة ارتبط به يكون بيراعي ربنا ودمه خفيف وحنين على أهله وبحب الراجل اللي مش بيحب النكد”.
وذكرت أنها لا تهتم بتصدر الترند وتؤمن بأن الترند ليس مقياس النجاح، قائلة: “مش بيفرق معايا الترند وهو بيفرق مع ناس تانية ولكن هو مش مقياس النجاح، والترند هوس، وحد قالي من اللي ماسكين ليا السوشيال ميديا أن فى ناس بتدفع فلوس عشان تتشتم وتطلع ترند”.
وعبرت عن استغرابها بفكرة البحث عن الترند بهذه الطرق الغريبة، مضيفة: “حاجة غريبة انك تدفع فلوس عشان تشتري كذبة وتطلع ترند”، مؤكدة أنها لم تلجأ خلال مشوارها إلى الواسطة.
وأشارت إلى أنها لا تدعم الزواج القائم على فكرة المال فقط دون حب، قائلة: “الست اللي تتجوز من غير حب عشان الفلوس ست مش ذكية، لان الفلوس ساعات بتبوظ وده مش معناه ان الفلوس مش مهمة ولكن الحب أحلى حاجة”.
