باسل النجار = الرياض في الأحد 24 ديسمبر 2023 05:49 مساءً - سأل الإعلامي محمود سعد الفنان خالد النبوي سؤالا:” ازاي طلعت بره؟”
فأجاب خالد النبوي قائلا:” صدفة كل ده كان صدفة .. انا حد قالي ان عايزنك تقف قدام الكاميرا نجرب حاجه عشان ريدلي سكوت بيعمل فيلم جديد وعايز يعمل اختبار وعملت الاختبار فجأة لقيتهم بيقولولي انه عاوز يقابلك تاني يوم يعني الاختبار اتعمل في مصر وراحله يوم 7 في CD وبعدها لقيتهم بيقولوا عاوز يشوفك يوم 8 وطبعا مكنش معايا لا فيزا ولا جواز ولا اي حاجه لحد ما قدرنا نطلع فيزا لأسبانيا واروحله ونسيت تماما اني كنت رايح اقابله عشان الدور لأ انا قعدت اتكلم معاه على افلامه وعملت ازاي ده في هانيبال وازاي عملت المشهد ده في Gladiator وبعدها روحت ومتكلمناش عن الدور وبعد ربع ساعه لما روحت لقيتهم بيتصلوا عليا بيقولولي انت اتقبلت .. كل الناس فرحت الا انا لأني حسيت انها مسئوليه كبيره اوي وكنت حاطط قواعدي اني الدور اللي احبه هعمله انا مش في بالي العالمية ولا عاوز اني اعمل دور إرـhـا’بي او الحاجات دي
– مكنتش حاجه سهله انك تطلع من مصر لريدلي سكوت .. اكيد
= انا اللي خلاني اقف بره هما اساتذتي اللي في مصر هما اللي وصلوني لهناك وخلوني اقف .. تعليم بلدي هو اللي وصلني لهناك
