باسل النجار = الرياض في الأحد 24 ديسمبر 2023 06:01 مساءً - رجاء عبده مطربة البوسطجية اشتكوا من كتر مراسيلي وهى بتتدرب فى بداياتها ناس كتير نصحوها بأنها تتدرب على ايد خواجة معروف ومشهور وكانت اهم ميزة فيه انه دقيق جدا فى مواعيده بس اللى مكنش حلو فيه انه كان بيدربها الساعة 7 صباحاً غناء على غيار الريق يعنى.

بتقول الست رجاء انها استفادت جدا من الخواجة خصوصا فيما يخص طبقات صوتها رغم انها مكنتش بتحب تصحى بدري وحاولت معاه كتير بس هو راسه كانت ناشفة وكان رافض انه يغير المعاد..

المهم ان رجاء قعدت حوالى شهر تتدرب على الفتح والتسليك والطبقات وكانت بتوصل مع الخواجة فى التدريب على طبقات الصوت لمرحلة سمتها “السرسعة” وكانت بتبقى شايلة هم جيرانها يتضايقوا من صوتها العالى ووصولها لمرحلة السرسعة دى بس الخواجة مكنش فى دماغة أى حد ولا أى حاجة غير أنه ينجز مهمته على أكمل وجه.

وفى يوم تعبت رجاء وقالت للخواجة بلاش تدريب النهارده ونزل الراجل بينفخ وودانه بتطلع نار وحوالى الساعة عشرة صباحا جات جارتها اليونانية تخبط على باب الرجاء وسألتها : انتى ليه مش غنيتى النهارده.

طبعا رجاء فرحت اوى ان واحدة من الجيران مستنيه غناها بالطريقة دى فقالت لها والله تعبت شوية وقلت ارتاح فردت الست وقالت لها بس أنا مش روحت الشغل بسببك وعايزة أعرف هتغنى بكرة ولا لا ؟ فقالت لها : والله مش عارفة بس خير وليه ماروحتيش الشغل بسببي؟ أنا مالى يا لمبي.. فقالت لها : انا بقالى فترة الساعة بمنبه بتاعى مش شغال وخلاص اتعودت اصحى على صوتك الساعة 7 صباحا واذا مش راح تغنى بكرة قولى انزل اشترى ساعة بمنبه علشان اعرف اروح الشغل.