باسل النجار = الرياض في الاثنين 1 يناير 2024 09:33 مساءً - لما باسمع مطرب مصري بيغني باللبناني ويقول :
(آه يا حلو يا مسليني) !!
أو بيقول : (ومن الشباك لارميلك حالي) !!!
بيركبني ١٠٠ عفريت ..
عشان اللحن العظيم ده لحن #مصري مش #شامي !!!
واتعمل سنة ١٨٥٠ م !!!! يعني من ١٧٠ سنة !!!!
ورغم كده لسة عايش ومحبوب وبيتغنى كأنه لحن جديد !!!
وكلامه الأصلي بيقول :
يا حليوة يا مسليني ..
ياللي بنار الهجر كاويني
إملا المُدام يا جميل واسقيني ..
من كتر شوقي إليك ما بنام .
والملحن مصري أصيل من #محافظة_قنا
وهو الشيخ محمد عبد الرحيم المسلوب
إللي كان أشهر ملحن في عصره .. وكان من المعمرين ..
عاش من سنة ١٧٩٣ لسنة ١٩٢٨ م .. يعني عاش ١٣٥ سنة !!!
وللأسف كان له نصيب من إسمه (المسلوب) ..
وألحان كتير من أعماله اتنسبت لغيره ..
المؤرخ كمال النجمي قال إن من أشهر ألحان المسلوب موشح #لما_بدا_يتثنى !!! إللي يعتبر أشهر موشح في مصر والعالم لحد دلوقتي ..
فياريت تعرف تراث بلدك وتدافع عنه ..