باسل النجار = الرياض في الأحد 28 أبريل 2024 05:50 مساءً - في حوار قديم للفنان عادل امام حكي عن قصة زواجه .

حضرتك إتجوزت إمتى يا أستاذ عادل ؟

= أنا إتجوزت بقالي مدة كتيرة ومكنتش حاطط في دماغي الجواز

– يعني في بداية الظهور ولا في بداية النجومية ؟

= لا في بداية الظهور، كانت في البروفات بتاعة مسرحية (مدرسة المشاغبين)

– زواج عائلي ولا قصة حب ؟

= والله هي كانت قصة حب من نوع خاص، يعني هي كانت من عيلة إقطاعيين وأعضاء في أحرار الدستوريين، فكان من الصعب جدًا إنها تتجوز كومبارس بالنسبالهم مش ممثل كمان، ومكانوش موافقين فهي أصرت، شغلاتنا دي كمان بتعتمد علي الرزق وعلي القدر، إحنا زي السماكين مستنيين حد يقولنا تعالا اعمل الحتة دي وانا أديك أجرتك، ومفيش موارد كمان

– يعني كان في أوقات بتعدي عليك ومفيش فلوس ؟

= أنا قعدت سنتين ممعيش ولا مليم، تخيلي حضرتك، فقالتلي لا هنتجوز مستحملتش في إيديها غلوة الحقيقة يعني
قعدنا ندور بقى علي شقة فإختارنا شقة في الدقي ومفيش عفش قومنا جايبين مرتبة وجرايد وقعدنا بقى في الشقة أسسناها كرسي في سجادة في حتة مطبخ تلاجة بوتاجاز، علشان كده لما خلفت وإبتدوا ولادي يتشاقوا علي الكراسي قولتلهم
“أنا تعبت جدًا علشان اجيب الكرسي ده ، فأنا ربنا بيحبني علشان أنا إتجوزت الست دي