باسل النجار = الرياض في الثلاثاء 30 أبريل 2024 03:01 مساءً - الدكتور منير محمد فوزى فى حوار تلفزيوني اسم والدتك اسم جميل اوى و مش متردد كتير
اه اسمها هداية
طب هو سابكوا أو توفى وكان عندك 18 سنه
اه كان عندى 18 سنه وكنت فى الثانويه العامه و قعدت شهر ما بروحش المدرسه وكان اسمها التوجهيه فى الوقت ده
عاش مع والدتك كام سنه ؟
عاش معاها 9 سنين وعلى فكره دى اكبر فتره عمل فيها افلام يعنى هو عمل 36 فيلم فى الفترة دى عمل منهم 25 فيلم فى فترة زواجه بوالدتى
ماهى فعلا الستات اقدام
بلاش بقى الكلام ده
وكان بيشوفكم ازاى ؟
طبعا الزوج لما بيجوز مش بياخد أولاده معاه بس فترات عشنا مع الوالده وفترات معاه ولما عمل فيلا فى الهرم عشنا معاه
وكان بياخدكم بسهوله ولا بالمحكمة ؟
لا لا لا ابدا مافيش الكلام ده خالص كانت العلاقة طيبه جدا بين والدى ووالدتى والحق يقال برضوا بين السيده مديحه يسري وبين والدتى كان دايما والدتى تروح لها أو هى تيجى فى الظروف والمناسبات الاجتماعية ويقعدوا ويتغدوا مع بعض كانت العلاقه بينهم جميله وغريبه
الجواز زمان ماكنش بالاسلوب اللى ماشى دلوقتي قضايا ومحاكم وضرب نار والقصص دى
و تتعجبى أن السيدة كريمه لما اتجوزت والدى العلاقه مع والدتى ومع السيده مديحه كانت كويسه بينهم اوى هما التلاته
يااااه هما دول أهل زمان الله عليهم
الناس زمان غير دلوقتي خالص يعنى لما السيده مديحه ماتت انا اللى وقفت و تقبلت العزاء وكان السبب الأساسى أن أفضل جنبها لاخر يوم فى عمرها لأنها فقدت ابنها واخويا من والدى عمرو
