باسل النجار = الرياض في الثلاثاء 7 مايو 2024 03:14 مساءً - قال الفنان والملحن عصام كاريكا، أنا بحضر غنوة حلوة أوي لـ الكينج محمد منير، بتقول: أنا الذي غنى وطبل، أنا الذي بحر جبل، أنا اللي قلبي ياما اتبهدل، أنا ولد أصول، أنا الذي عاشق حبيت ياما روحت وجيت، ونمت من غير ما اتعشيت، بقى كده معقول؟!.
وكشف كاريكا خلال حلوله ضيفا ببرنامج واحد من الناس مع الإعلامي عمرو الليثي ، ان الأغنية هتنزل خلال الايام المقبلة ، وهتعجب الناس وعاملين حاجة محترمة، والمهم عندي إني أختار كلمة حلوة وتدوم.
وأضاف: أنا عندي أغاني بقالها 30 سنة بتتسمع لغاية النهاردة، وأنا بختار الكلمة اللي تبقى للزمن، وأعز 4 ألحان عندي: وهي عاملة إيه دلوقت لـ عمرو دياب، ودارت الأيام لـ راغب علامة ودي حدث في لبنان، وأعاتبك على إيه ولا إيه لـ محمد محي، ودي عملت نقلة في الموسيقى، وكمان أغنية فيلم بوحة.
وعلي جانب آخر اشار كاريكا إلي سبب ابتعاده عن الغناء .. أنا من 5 سنين وقفت خالص إني أعمل لنفسي أغاني وركزت في التلحين، وأنا في الأصل ملحن، ولحنت لكل نجوم الوطن العربي، و100 فنان غنوا من ألحاني.
