باسل النجار = الرياض في الجمعة 7 يونيو 2024 07:06 مساءً - في لقاء تلفزيوني مع “عبد المنعم مدبولي” المذيعة سألتُه : أيه حكايتك بقى مع حماتك ؟! هل فعلًا قعدت 5 سنين تزورها صُبح وليل وموفرلها بنت تساعدها بجانب زوجتك ؟! وهل مزهقتش ؟! ف رد عليها قال ولو كانوا خمسين سنة ،، والله ما كنت هزهق.

المذيعة رجعت سألتُه ليه ؟! ف رد قالها : “مكانتش حما كانت نعم الأُم وأحيانًا كنت بحسها أخت ، بعدين أنا أتولدت يتيم وكنت ف أول حياتي فقير جدًا والست دي كانت ليا سند و مُعينة بعد ربنا عز وجل ، غير ان بنتها الله يحفظها ليا نعم الزوجة “خافت ربنا فيَّا ووقفت جنبي ياما”.

المقصود الخُلاصة : حُسن التعامل ،، صون العشرة ،، الإحسان يا جماعة ،، الإحسان الإحسان ،، والله لو أحسنت ل كلب بيحسن أليك ،، لو أحسنت لأشد الحيوانات فتك وشراسة هيحسن اليك. شوفوا الراجل فوق بيقول أيه ، بيقول كانت نعم الأم والأخت ، وبيقول عن زوجته “خافت ربنا فيَّا”. خليكم دايمًا فاهمين ان الحياة مُش صراع ومين فينا أقوى او يغلب او يغلط التاني ،، الحياة حلاوتها ف التراضي ، اننا نقبل بعض زي ما أحنا مش أننا نقف لبعض ع الواحدة ونقعد نضيع عمرنا ف خناقات تافهه