باسل النجار = الرياض في الاثنين 24 يونيو 2024 05:50 مساءً - الناس كلها تبص في صور عمرو دياب ويقولوا شوفوا بيصغر ازاي!!
شوفوا دا منظر واحد عدى 60 سنة دا بيعمل بوتوكس دا بيشرب اوكسجين
وهكذا من القر اللي مالوش نهاية
الحقيقة ان الهضبة لا كبر ولا صغر ولا اي حاجة وشكله طبيعي جدا بالنسبة للحياة اللي هو عايشها
_الهضبة مش بيشتغل مندوب مبيعات وبيقعد يلف على العملا طول النهار
_ولا حتى موظف في مصلحة حكومية شعره وقع من كتر الحسابات والعهدة
_الهضبة مدير نفسه معندوش مدير غبي ورخم قارفه في عيشته وبيفكره بالأنتحار كل ربع ساعة
_الهضبة مش متجوز مدام هناء الموظفة اللي طول النهار تقوله البيضة بقت ب ٦ جنية ياعمرو والعيال هتجوع يا هضبة
_الهضبة مبيروحش بعد يوم 14 ساعة شغل يضرب طاجن البامية وينام
_لو حصل واتصل بمراته وهو في الشغل مبتقولوش هات بامبرز وفينو وانت راجع
_وطبعا ما بياخدش الزبالة وهو نازل
_الهضبة بيشتغل شغلانة بيحبها ودا في حد ذاته يخليه يرجع طفل صغير من السعادة
_الهضبة في اجازاته بيروح جزر واماكن حلوة تفتح النفس مش بيقعد على القهوة يفكر هيجيب فلوس مدارس العيال منين
_الهضبة مرتبه ما بيخلصش يوم 15 ويقعد يفكر هيعدي باقي الشهر ازاي
_ولا بيصحي من النوم مفزوع وينزل جري على ملا وشه عشان يلحق يمضي
_الهضبة مش بيصغر ولا بيكبر انتو اللي عيشتكوا مرار .