باسل النجار - القاهرة - الأربعاء 7 أغسطس 2024 02:26 مساءً - عاود محمد شقيق الفنان المصرية شيرين عبد الوهاب هجومه مجددا على علاقة شقيقته بطليقها ومواطنها الفنان حسام حبيب، عقب تصريحات أدلى بها الأخير على خلفية اتهامات شيرين له بالسرقة.
شقيق شيرين يهاجم علاقة شقيقته بطلقيها
ووجه عبد الوهاب كلمات قاسية لشقيقته وطليقها، عبر منشور له على صفحته الشخصية على موقع «فيسبوك» كتب فيها: «يا شيخة والله ربنا ياخدنا بقى عشان نرتاح من القرف ده.. كفاية بقى أقسم بالله قرفنا والناس قرفت واشمئزت منكم».
وأضاف: «إنتوا أصعب قصة عرفتها البشرية والله.. حسبي الله ونعم الوكيل فيكم إنتوا الاتنين».
رد حسام حبيب على اتهامات شيرين له بالسرقة
وفي وقت سابق علّق حسام حبيب على الاتهامات التي وجهتها زوجته شيرين بسرقتها، مؤكدة أنها قامت بهذا الفعل بعدما رفض الرد على اتصالاتها المتكررة له.
وصرح حبيب لـ«ET بالعربي»: «الموضوع مش بالعافية أنا مش عايز أرجع، وأنا اللي في سجن وعايز أتحرر منه، أنا اللي تعبت واستحملت إهانات بقالي سنين على حاجات ما حصلتش، وعمري ما اشتكيت ولا اتكلمت ولا دافعت عن نفسي عشان ميطلعش شكلها وحش، بس خلاص كدا أنا فاض بيا، وكل حاجة هتتقال للناس زي ما حصلت بالضبط».
وأضاف «أنا عمري ما طلعت أسرار حد بره ولا عمري ما كنت هعمل كده، بس خلاص أنا اضطريت لكده، الحياة مش بالعافية أنا مش عايز أرجعلها، وأنا اللى بستنجد بالناس وبقولهم نجمتكم الكبيرة اللى بتحبوها من سنين كتيرة، عايز ابعد عنها ومش عارف، أتصرف ازاي واستنجد بمين، وأنا بدعي ربنا قدامكم أهو يارب عايز أبعد عنها يارب ومش عارف أعمل إيه».
وتابع قائلًا: «أنا تعبت بجد وسنين من الظلم والإهانة وبسكت ومبردش، وكل الكلام اللي كانت بتقوله غلط كله، هو في حد يكون ضارب حد وفاتح له دماغله، ويعتذر له عادي، وقبلها كنت حالق شعرها وتعتذر لي عادي، ويرجعله تاني، هو في حاجة اسمها كدا».
وأكد على أن شيرين: «بتقول عشان بهددها! بهددها بإيه دا اللي هي قالته للناس أقوى من أي تهديد، أي اللي عندي أهدده به، وأقول ربنا كبير لحد ما اظبط ورقي وأكلم المحامين بتوعي عشان أعرف أخد حقي ومش هتنازل المرة دي خالص، وهاخد حقي بالقانون لأني عملت حساب للعشرة أكتر من مرة، وكل مرة بيطلع أكتر من اللى قبله، أيام مكالمة لميس الحديدي وطلعت قالت شتائم وحاجات في حقي، كفاية كفاية يا ناس».
وتساءل قائلًا: «أنا عايز اعرف ازاي سرقتها، هل دخلت وأنا لابس طاقية الإخفاء، ومحدش شافني، وكل مرة سرقة وكلام أقل بكتير من اني أعلق عليه، كل شوية أنا صرفت وعملت، وأنا بستنجد بكل الناس ارحموني منها».
وختم حبيب حديثه: «دا ذنب أنا عملته في حياتي أنا مش عارف إيه دا، ولسه هطلع أتكلم كمان بكل التفاصيل، ومش بقول كده عشان خاطر أخوفها، لا دا حقي، عشان كل شوية يتقال كلام عني وعن أهلي، وأنا مش بشكر في نفسي الحمدلله متربي ومن عيلة كويسة جدا، ومتربي في أماكن كويسة ومتعلم في مدارس كويسة جدا، وبعرف ربنا سبحانه وتعالى».
والد حسام حبيب يعلق على تصريحات شيرين
ووجه والد حسام حبيب، رسالة إلى طليقة ابنه الفنانة شيرين، على خليفة اتهامها لحسام بسرقتها، وتصريح أنها فعلت ذلك، بعدما رفض الرد على مكالمتها، وتوجيها الاتهامات له باستمرار.
وقال حسين حبيب، في منشور له عبر حسابه بموقع التواصل الاجتماعي «فيس بوك»: «شيرين سفيرة مصر وقوتها الناعمة وثروة قومية يجب حمايتها حتى لو من نفسها ودعمها حتى ترجع زي بدايتها القوية».
أقرا المزيد:
مصر تطرح حلولا لأزمة التصعيد في البحر الأحمر
سحب بالون التنحيف من الأسواق الفرنسية.. تعرف على السبب
إيلون ماسك يقاضي شركات قاطعت منصة «اكس»
