باسل النجار = الرياض في الجمعة 6 سبتمبر 2024 03:14 مساءً - – كنتي الزوجة الأولى لرشدي أباظة
= وهو برضو الزوج الأول

– يمكن نحب نعرف بتذكري أيه عن اللقاء الأول
= مكنش فيه أي حاجة تبين إن احنا هنتجوز بعض ولا قصة حب أبدًا .. زملاء واتقابلنا وهو وقتها مكنش معروف وبيتكسف جدًا

– بجد؟
= رشدي ماتبصيش للحاجات اللي بتتقال عنه رشدي بيتكسف زي الــSـت لما تتكسف فـ لما قابلته وقتها كانت الاسماعيلية والشرقية فـ كنا بلديات وصحاب وأهلنا يعرفوا بعض

– يعني البداية مكنتش في الفن ؟
= لأ .. هو بعدين فكرني وقالي ” انتي ناسية احنا اتقابلنا فين أول مرة؟ في الابراهيمية ” قولتله اه اتقابلنا في الابراهيمية فعلا عايزني أعملك أيه يعني؟ قعد يضحك ومن ساعتها بقينا صحاب

يقولي تيجي تروحي السينما؟ أروح .. بس مكنش فيه حاجة بينا وبين بعض لغاية مرة قالي تتجوزيني؟ قولتله كدة مش هنبقى صحاب شيل الحكاية دي من بالك خالص .. قالي طب فكري طب قولي هفكر هشوف قولتله لأ مش هقول

بقنا كل شوية نخرج يقولي تتجوزيني؟ قولتله وبعدين معاك! وقعدنا 3 سنين صحاب كدة

– طب ليه حضرتك كنتي رافضة الزوlج؟
= كنت خايفة .. كان ورايا عيلة كبيرة بعولها وبشتغل ليل ونهار وممكن فيلمين في وقت واحد وأسافر اسكندرية وارجع اكمل فيلم تاني .. بس واحد صاحبه وضبله الحكاية دي وبصيت لقيت نفسي قدام مأذون والموضوع كان كمين

– طب وحصل أيه بعدها؟
= نزلنا روحنا سينما اتفرجنا على فيلم waterloo bridge في سينما مترو ووصلني بيتنا وقعدنا ييجي شهر كدة بنرتب هنتقابل ازاي .. وبعدين بقى خدنا شقة وعملناها زي أي اتنين بيكـlفحوا .. هو وقتها لسة مكنش بيشتغل وبيزهق وبيقولي أنا هسافر فـ كنت أقوله بكرا هتبقى كويس .. أصله هو طلع في وقت وجوه كتير حواليه

– زي مين؟
= كان فريد شوقي وشكري سرحان وعماد حمدي وأحمد مظهر .. شـlـة مرعبة كدة مش عايزة حد يظهر .. كان يقولي ماعملش دور تاني لأ كنت أقوله الدور التاني اللي هيوصلك للأول .. انتشر وبعدي نقي اللي يعجبك لكن هو من الأول كان عايز ينقي
– الزواج لم يستمر فترة طويلة؟
= 3 سنين
– 3 سنين؟