باسل النجار = الرياض في الثلاثاء 24 سبتمبر 2024 12:14 مساءً - طلع راجل اعمال كبير ومش محتاج لفلوس التمثيل في حاجة، ثروته 800 مليون جنيه، عنده اسطول عربيات اقل عربية فيهم بـ 10 مليون جنيه ومهوس بنظارات الشمس وبيحفر عليها اسمه بالذهب
أحمد حلمي طلع أغنى من رجال الاعمال واصحاب الشركات وحياته هتذهلكم:
أحمد حلمي حياته ما كانتش حلوة زي ما انتم فاكرين، ده تعب وشقي علشان يوصل للي هو فيه، بس في الاخر أخذ نص حظ الدنيا له لوحده، شهرة وفلوس متلتلة وخفة دم، وكمان مراته واحده من اهم الفنانات في مصر.
احمد حلمي كان من أسره متوسطة زيه زي ناس كتير، عاش جزء من حياته في السعودية وبعدين رجع على مصر، ولما جه وقت الثانوية العامة سقط وعادها 3 مرات ويوم ما نجح جاب مجموع 50% يا دوبك دخلوه المعهد العالي للتمثيل.
محدش كان مقتنع انه احمد موهوب او ينفع يبقى ممثل صحيح، كان دمه خفيف بس ما كانش وسيم، لكنه صمم على تحقيق حلمه خصوصا بعد الظروف الصعبة اللي تعرض لها في المعهد، لما ما كان في اوقات كتير بيبقى معاه جنيه في جيبه، وممكن يقعد بأيام ما ياكلش، او ياخذ مشوار طويل ماشي عشان يوفر اجرة المواصلات، كل الحاجات دي أعطت له دافع علشان ينجح.
لكن أحمد حلمي لما نجح مش بس حقق أحلامه ده عمل ثروة كبيرة بلغت 800 مليون جنيه، واشترى فيلا بها حمام سباحه اوليمبي وبها حديقة اوسع من حدائق النوادي، ومزودة بسيستم تأمين كامل
مش بس كده ده كمان عنده أسطول عربيات من أحدث الموديلات، بس حلمي مهووس بحاجة عمركم ما تتخيلوها وهي نظارات الشمس، فكل نظارات حلمي براندات عالمية بس النظارة بتتعمل له مخصوص، وبيحفر اسمه من الذهب على معظم نظاراته، وكل طقم هدوم بيشتريه بيجيب له نظارة مخصوصه ليه.
لكن الفلوس والثراء ده كله ما خلهوش ينسى الاعمال الخيرية، فيعتبر احمد حلمي من اكثر المهتمين بالجزء الخيري سواء هو او زوجته منى زكي.
