باسل النجار = الرياض في السبت 28 سبتمبر 2024 08:28 صباحاً - ما لهمش ولا مشهد ساخن، وعمرهم ما لبسوا ميني جيب، ولا عروا بطنهم، وعلى البحر ما لهمش في المايوهات، و لا بينزلوا الميه بالبكيني وما فيش مخرج يقدر يقول لواحده فيهم عندك مشهد بوسة.. قصه أكثر خمس فنانات اهلهم عرفوا يربوهم:
الأولى المؤدبة هبه مجدي:
رافعه شعار ممنوع المشاهد الجريئة ومن يوم ما دخلت الوسط الفني عمرك ما هتلاقي مشهد ليها مش ولابد، يعني لا فيه لبس عريان ولا قمصان نوم ولا بوس ولا احضان، وهبة ضد التلامس بين الفنانين .
وبشكل واضح قالت هبه مجدي انها مش هتوافق على اي دور يجبرها على انها تظهر بشكل جريئ، والسر انها طلعت من بيت ابوها وعارفه ان في حدود وما ينفعش تعمل مشهد تتكسف منه قدام بنتها او جوزهان وعلى البحر بتلبس شرعي
في المركز الثاني حنان المحترمة حنان مطاوع:
ناس كتير ما تعرفش ان حنان كانت هتشارك بطولة في فيلم “كف القمر” مع المخرج خالد يوسف والمرحوم خالد صالح، وفعلا وافقت على الفيلم ولكن فجأة سابتهم ومشيت بعد ما خالد يوسف عمل تعديلات على الدور واضاف لها مشاهد جريئة من بتاعته، لكن حنان قالت له شكرا مش هقدر أعملها، مع إن اي فنانة في مصر كانت تتمنى فيلم مع خالد يوسف .
وحنان مطاوع عندها رأي في المشاهد الجريئة، وبتقول الجرأة في الافكار مش في التعري او المشاهد الخارجة، انا ممكن اقدم دور فتاة ليل بدون ما اقوم بأي شيء خادش أو يزعل المشاهد .
المركز الثالث النجمة بنت الناس الدكتورة سهر الصايغ:
ما لهاش في أي حاجه شمال باسم الفن، وضد مقولة “مش انا اللي ببوس دي الشخصية”، وكانت الفنانة الوحيدة التي تضامنت مع النجم يوسف الشريف بعد ما خرج وقال انه ضد تلامس بين الفنان والفنانة، وهو بيكتب ده في العقود .
وقالت سهر الصايغ ان عندها خطوط حمراء لا تستطيع ان تتخطاها ولو عرض عليها تقديم المشاهد الساخنة، سأجلس مع المخرج ونتشاور إما يشيل المشاهد أو يشوف حد مكاني .
الرابعة ايمي سمير غانم:
كل لبسها محتشم لا في حاجه باينه ولا بتشف، وعمرها ما ظهرت في اي مشهد مش ولابد، وكل شغلها بعيد عن الإثارة والايحاء .
أخيرا الجميلة ريهام عبد الغفور:
اللي من ساعة ما اشتغلت عمرها ما شاركت في أي مشاهد جريئة او قبلات ولا تقوم بأدوار اغراء .
وبتقول ريهام إنها مش هتعمل اي من هذه المشاهد عشان زوجها ما يزعلش، وهو ما اتفقت عليه مع والدها الفنان الراحل أشرف عبد الغفور عندما أرادت أن تمثل، حيث اشترط عليها ان هناك خطوط حمراء ما ينفعش إنها تتخطاها
إنتم بقى أيه رأيكم فيهم ؟؟ .
