شياكة عادل امام دايما ملفتة ، انت بتحب تلبس كويس
يعني ، الحمدلله
انت اللي بتختار لبسك ولا حد بيختارلك ؟؟
لأ انا اللي بختار
مين من الممثلين اللي شياكته بتعجبك كعادل امام ؟
الأستاذ كمال الشناوي ، بحب شياكته جدا
لما بتشوف كمال الشناوي دلوقتي مش بتفتكر حاجة حصلت زمان وانت لسه مشتغلتش في الفن ؟؟ يعني كمال الشناوي مش مرتبط معاك بحاجة معينة ؟؟
اه طبعا مرتبط بموقف وانا صغير خالص ، كنت في الحلمية وكنت بتفرجله على فيلم في السينما والفيلم كان انتاجه فكان جاي يحضر العرض وهو خارج لقيت الناس بتجري وراه وهو راكب عربيته فجريت معاهم انا كمان ورا العربية عشان اشوفه ومقولكش بقى على احساسي بعدها
حسيت بإيه ؟؟
حسيت نفسي هايف اوي يعني ايه اطلع اجري ورا عربية كمال الشناوي او عربية أي حد عموما ؟!! حسيت نفسي سخيف بجد
جريدة البشاير اشترك في خدمة اهم الاخبار مجانا لاحقا موافق
