باسل النجار = الرياض في الاثنين 3 مارس 2025 01:51 مساءً - نور الشريف مكنش المرشح الأول لفيلم المصير لكن كان قبله يحيي الفخراني واللي حكي في برنامج ساعة صفا عن لقائه بيوسف شاهين وبيقول إن خالد يوسف كلمه وحدد ميعاد مع يوسف شاهين عشان يلعب دور ابن رشد وكان بعتله قبلها السيناريو وشبه متفقين علي المقابل المادي وهنا راح الفخراني حسب الموعد لمكتب يوسف شاهين وأثناء الإنتظار بمكتب شاهين بدأ يتفرج علي افيشات أفلام شاهين فوجد أن شاهين ممكن يكتب أسماء ممثلين صغيرين قبل نجوم كبار زي ما حصل في افلام كتير فقال إنه لازم يتناقش معاه بخصوص إسمه علي الافيش فلما دخل شاهين وبدأوا الكلام عن الدور والشخصية وهنا الفنان يحيي الفخراني قاله بقى شيء واحد هو طريقة كتابة اسمي علي الافيش والتترات فشاهين قاله إن هو اللي بيكتب التترات والافيش بس لو حابب انك تكتب اسمك الأول فكده هقلل من أجرك في الفيلم.. يحيي بيقول إنه تفاجأ من رد شاهين ومكنش متوقع يقوله شيء زي ده وعشان كده انسحب من الفيلم بهدوء بدون افتعال اي مشكلة وهو ده السبب الرئيسي لعدم تعامل الفخراني مع شاهين.
