أعربت النجمة المصرية نجلاء بدر عن استيائها من واقعة فتاة الأتوبيس، والتي اتهمت شابا بالتحرش بها، مؤكدة أن كثيرًا من الفتيات يتعرضن لمثل هذه المواقف إلا أنهن لا يتحدثن عنها.

حيث كتبت نجلاء بدر منشورًا، عبر حسابها الشخصي بموقع «فيسبوك» قائلة: «عارف ليه دفاع الكل عن البنت بالرغم من عدم إثبات الوقعة إللي صعب إثباتها، لأن كتير مننا تعرض لكم هائل من التحرش اللفظي والجسدي والمرئي ومعرفناش نثبته، لأن المتحرش مش بيتحرش تحرش مرئي للكل، لأنه مغتصب وحرامي زي النشال بيسرق بخفة يد».

وأضافت: «علشان ماحدش يشوفة ولا يحس بيه ولا تقدر تثبت عليه التهمة، كلمة في الودن كفيلة ببث الرعب في قلوب البنات والنساء، ملامسة الجسد بحركة سريعة أو إحتكاك كفيله بحالة إختراق وتحرش جسدي كامل، إسال مامتك أو أختك أو بنتك وأنت تعرف إللي صعب تفهمه، أو عيش عبيط وماتعرفش إن ناس كتير هتكت عرض بيتك وعايشين حواليك وأهل بيتك للأسف معرفوش يثبتوا عارف بنقول حرامي الأول ليه!».

وأكملت نجلاء بدر قائلة: «علشان الناس ترضى تمسكه لأن لو قولنا متحرش ماحدش بيرضى يمسكه وكأنه عادي حصل إيه يعني، زي ما شوفنا بالظبط كده، إبتسامة الولد الباردة المُتبجحة هي بالنسبالنا وريني ها تثبتي إزاي إني اتحرشت بيكي؟».

للمزيد تابع

الخليج 24 على: فيسبوك | إكس | يوتيوب | إنستغرام | تيك توك