السبت 5 مارس 2022 08:11 مساءً - قام الفنان رامي صبري بالكشف أثناء حوار له مع الإعلامية منى الشاذلي على قناة سي بي سي الفضائية، عن الكثير من الأمور في حياته الخاصة مع زوجته، وهو تطرق مع زوجته ليتم الإجابة عن الكثير من الأسئلة بصراحة شديدة.

رامي صبري يكشف عن رأي زوجته في أغانيه

وتحدث رامي صبري عن زوجته وأنها صريحة جداً بشكل أعلي من الطبيعي، وقال “الفترة دي بشتغل أغاني عجباني جداً، وحاسس إن الأغنية هتبقي هي أهم أغنية ليا، فألاقي مراتي بتقولي إيه ده مش حلوة خالص”.

وتابع صبري أثناء لقائه مع منى الشاذلي، قائلاً “أغنية أنا بعترفلك ما كانتش عجباها فى البداية، لكن مع الوقت عجبتها جداً”.

رامي صبري يكشف عن تفاصيل حول حياته الشخصية

وتحدثت شيرين عادل زوجة رامي صبري في الحلقة عن بداية تعارفهم معاً، وقالت “جوازنا مكنش تقليدى وبداية تعارفنا كنت مع صاحبتى وحبيبتى مي كساب، وكنا خارجين وقالتلي نروح نقعد في كافيه شوية، وبعدين قالتلي إيه ده رامى صبري اهو”.

وأضافت قائلة “كنت مقابلة صدفة وهى وقفت سلمت عليه لأنهم أصحاب جدا، وأنا واقفة بعيد شوية لإني معرفهوش بشكل شخصي، وراح جايلى وقالي ممكن أعرف اسمك إيه وقلتله شيرين قالي الاسم ده أنا بحبه جدا، ومن هنا كانت البداية”، ثم أهدى رامى صبري لها 3 أغنيات خلال الحلقة هى أغنية “تعالى”، وأغنية “عجبتني”، وأغنية “أسيبك يومين.