باسل النجار = الرياض في الاثنين 20 يونيو 2022 06:51 مساءً - شاركت المطربة أمينة،متابعيها عبر حسابها على موقع التواصل الاجتماعي فيس بوك ، منشورا جديدا أعلنت فيه عن إصاباتها بتمزق فى أربطة القدم.
وكتبت أمينة على حسابها قائلة: “جماعة الناس اللي مفكرة أن العيشة وردي وياما هنا ياما هناك، إحنا برضو بني آدمين وبنتعب وبيحصل انتكاسات زي أي حد، ودي حاجة حصلت غصب عني ورغم أني كنت بتحامل على نفسي عشان خاطر فيه ناس جايه عشان تشوفني مارضتش أمشي ونتيجة تحملي علي رجلي جالي تمزق في الأربطة”.
وأضافت أمينة : “كل ده مش مهم قد ما مهم أوى أني لقيت ناس كتير الحمد لله بتبعت تسأل عليا وتطمن عليا، وناس تانية بتشتم فيا وشمتانه فيا وبتقول أحسن ما تقطع، أحسن دي بتترقص، أحسن دي مش عارف أيه؟! ليه كل ده؟! ليه الغل والحقد ده؟ ليه الكره غير المبرر ده؟!”.
واختتمت أمينة: “جماعة إحنا أبسط من كده بكتير وأي شو إعلامي بيظهر قدامكم اوعوا تتخدعوا فيه أنا أمينة أختكم وبنتكم ومكنتش متوقعة ألقى فيه ناس كتيرة كده جواها غل وحقد من ناحيتي، ربنا يهديكم ويبعد عننا النفوس المريضة دي يا رب”.
