باسل النجار = الرياض في الأحد 3 يوليو 2022 02:53 مساءً - حرص الفنان محمد نجاتي، على التعليق علي البوست المنتشر عبر مواقع التواصل الاجتماعي حول صعوده خلال فترة ظهور الفنان أمير كرارة، مشيرا إلى أنه لا يتدخل في إرادت الله في شهرته، حيث أن النجاح يكون قبول من الله.
وشارك محمد نجاتي، متابعيه مقطع فيديو عبر حسابه الشخصي بموقع التواصل الاجتماعي لتبادل الصور والفيديوهات إنستجرام .
وقال نجاتي في الفيديو : «طبعا أمير كرارة نجم كبير وهو ما وصلش للي فيه دلوقتي إلا نتيجة تعب وجهد وعرق، وقدر أنه يوصل لحب الناس وقاعدة كبيرة من الجمهور، كل اللي عاوز أقوله أني ما كانش ليا دخل في ترشيحي لمسلسل محمود المصري، مع محمود عبدالعزيز، ترشيحي جاء من خلال مدحت العدل وهو حي يرزق يسأل”.
وأضاف :«أما البوست اللي كتبه أحد الأساتذه، اللي اتقال فيه شوف كرارة فين دلوقتي ومحمد نجاتي دلوقتي فين دي حاجة مش بإيدي وخارجة عن إرادتي أنا بمثل وبشتغل الحاجات اللي بلاقيها كويسة ومناسبة ممكن تكون مش بتاخد بروباجاندا كبيرة زي اللي بيقدمها بعض الفنان، ولكني أتمنى أشارك فيها كلها، ولكني مضطر اشتغل حاجات كتير علشان أكمل بقيت حياتي لأن عندي التزامات كتير».
واكد : «أنا مش مبسوط بالحاجات اللي بقدمها وأحيانا بضطر اشتغل حاجات مش راضي عنها علشان أقدر أكمل حياتي والتزماتي وإذا كانت وضعي كدا مضايقة ناس ممكن اعتزل واريحكم كلكم مني وتبقى نهاية الحكاية».
