الأربعاء 9 مارس 2022 07:06 صباحاً - ظهر الفنان حمادة هلال ضيف على الإعلامية أسما إبراهيم في برنامج “حبر سري”، ويبث على قناة القاهرة والناس الفضائية، وأصدر العديد من التصريحات المختلفة عن مشواره الفني وجميع أعماله المتنوعة، وتحدث عن الكثير من الأمور المختلفة في حياته.
حمادة هلال يكشف عن منافسة الوحيد في المجال
وكشف حمادة هلال عن منافسة في المجال قائلاً “معنديش منافس والله وبتكلم بالأمانة لأن مفيش حد مش بتكلم، مش شكرانية في نفسي، لأن فيه كذا حد يخاف يعمل حاجة جديدة، وده مش غرور، بكلمك بالأمانة مبعرفش أنافس حد، ومنافستي الوحيدة مع حمادة هلال، لأن لو عقلي ركز في منافسة فلان وعلان، عمري في حياتي ما هركز في نفسي”، وتحدث عن أغنية محمد نبينا وعن النجاح الذي حققته في العالم وتم ترجمتها إلى اللغة العربية.
حياة حمادة هلال الشخصية
وقال حمادة هلال عن حياته الشخصية، قائلاً “مراتي ربنا يحفظها ويبارك لها، لأنها تستاهل وصبرت وربنا يحفظها، لأنها الفترة دي بتمر بتعب ربنا يحفظها ويبارك في عمرها.. الحمد لله الفترة اللي فاتت شوية تعب وعملية، وإن شاء الله الناس يدعوا لها تقوم بألف سلامة، هي عملت حادثة وحصلت لها قصص كتير قوي، وربنا يحفظها يا رب”.
حقيقة اعتزال حمادة هلال
وتحدث هلال عن اعتزاله الفن قائلاً “فكرة هسيب الفن عشان حرام صراع شغال معانا من زمان من أول ما بدأنا ومن أول ما عملت أول رؤية في حياتي والصراع ده شغال معايا بس حته الحرام والحلال فكل حاجة باينة وأنا مقدرش أقول انا حرام ولا حلال ومقدرش اتكلم في الحتة دي وانا عايز أعمل حاجة واحدة بس ان انا اتقي ربنا في حياتي وفي شغلي وإني أتقي ربنا قبل كل شيئ وبعد كده مفاتيح الجنة والنار عند ربنا سبحانه وتعالى مش عند حد”.
