صنعاء - عبدالجليل فارس - ردت الممثلة المصرية ​عايدة رياض​ على الانتقادات التي وُجهت لها بعد احتفالها بعيد الأضحى، من خلال حسابها الخاص على موقع التواصل الاجتماعي.

وأكدت عايدة أن لا مانع من الاحتفال بأي عيد رغم اختلاف الأديان، فلا يوجد فرق بين الجميع، وقالت: "انا مش شايفة ان الموضوع كان مستاهل كل الضجة دي اطلاقا. كوني مسيحية وبشارك في الاضاحي وباكل فتة و بنعيش اجواء العيد مع بعض ودي حاجة مش بتقلل مني او حتى بتثير الجدل بالعكس ده شيء محمود جدا. الذبح عموما موجود في كل الاديان السماوية و موجود في ديانتنا وبنشترك كلنا وبنضحي وبنتجمع كالعادة وخلي الي يتكلم يتكلم. وانا متعودة على كدا من زمان وعمر ما حد كان بيسأل على ديانة حد ايه الدين لله والوطن للجميع وكلنا في الأخر مصريين اخوات وأهل وصحاب واحبة و مفيش فرق بينا إطلاقا".
وأضافت أن المسيحي يشارك المسلم فرحه والعكس صحيح، ومن يقول عكس ذلك فهو من أهل الشر، وفي النهاية عايدت المسلمين بعيد الأضحى قائلة: "وكل سنة وكل اخواتي المسلمين بخير ويارب دايما متجمعين في الخير ودايما اخوات وأهل وصحاب وجيران وحبايب ودايما ايد واحدة وربنا يخلينا لبعض ويبعد عننا اي فتنة تفرقنا عن بعض".