باسل النجار = الرياض في الجمعة 15 يوليو 2022 07:33 مساءً - نشر الإعلامي أحمد فايق، منشورًا عبر صفحته الرسمية على موقع التواصل الاجتماعي فيس بوك، يتحدث فيه عن مشروح البالون في العجوزة..
إليكم التفاصيل:

النهاردة اخذت ولادي مسرح البالون في العجوزة
استمتعنا اننا نقعد مع بعض في مكان واحد بدون تليفونات لمدة ساعتين
شفنا مسرحية ” سندباد ” عرض مسرحي على قد الامكانيات
لكن الابداع لا حدود له
ساعتين من المتعة الحقيقية
ودروس تعلمها ولادي في الشجاعة والنجاح والحب من شخصية سندباد
حمزة ابني اللي عمره سنتين كان قاعد بيصفق بلهفة وشغف
المسرحية كان فيها غناء واستعراضات ومواهب حقيقية من ممثلين شباب محتاجين اللي يتبناهم
بدعو حضراتكم انكم تاخذوا اولادكم مسارح الدولة
مليانة عروض محترمة مافيهاش ابتذال
ومواهب حقيقية محتاجة تشجيع
التذاكر بتبدأ من ٥٠ جنيه واغلى تذكرة ب٢٠٠ جنيه
يعني بثمن يوم في البلاي ستيشن اللي الاجيال الجديدة مضيعة حياتها فيه
شكرا لكل موهوب في البلد دي لسة بيكافح وبيعافر عشان يربى ولادنا على الابداع
شكرا لوزارة الثقافة اللي مستمرة في عروضها المسرحية
وتبني المواهب دي