باسل النجار = الرياض في الأحد 17 يوليو 2022 10:13 مساءً - شارك الفنان عمر كمال،متابعيه بث مباشر عبر صفحته الرسمية علي موقع التواصل الاجتماعي فيسبوك ، ليتحدث عن قبلة الفنان عبدالباسط حمودة.
وعبر كمال في البث عن غضبة من الهجوم الذي تعرض له بسبب الواقعة المعروفة بـ«قبلة عبد الباسط حمودة»، قائلا: «أنا كنت شغال في مكان وطالع بعربيتي سمعت صوت عبد الباسط حمودة، قولت اسلم عليه، واحنا لينا نجاح مع بعض قبل كده من خلال أغنية ضيعنا، ولسه لينا أغنية جديدة مع بعض».
وأضاف كمال: «طلعت على المسرح للراجل المحترم، ورايح أسلم عليه وأبوسه، ولكني متعود عشان هو راجل في مقام والدي، أني أبوس رأسه وأيديه، تعزيزا منه ولمكانته وافتخارا بيه، فجيت أبوسه في رأسه، لكنه رفع رأسه فجت في فمه، حركة عفوية جداً، كمية الكلام الجارح غير عادية واتهامات بالشذوذ واللي قول دول تبع الناس الوحشين.. طب ليه؟ ليه ياجماعة كده؟»
وتابع: «إحنا بنحترم الناس كلها، بس لما نجم يشوف حد كاتب عليه كلمة مش ظريفة، دي حاجة مش حلوة، عبد الباسط حمودة نجم له الاحترام والتقدير..شوفوا حاجة مفيدة تتكلموا عنها، لأن إحنا بنسمع كلامكم جداً، آخر كليب مظهرتش واحدة حتى قدام الكاميرا».
