باسل النجار = الرياض في الثلاثاء 19 يوليو 2022 04:16 مساءً - شارك نديم، نجل الفنان حميد الشاعر،منشورا عبر صفحته الشخصية علي موقع التواصل الاجتماعي فيسبوك، هاجم فيه الملحن حلمي بكر، بعد هجومه على والده خلال ظهوره بالبرامج التلفزيونية.
وقال نديم عبر الفيسبوك: «أستاذ حلمى لو محتاج مساعدة الكابو مش حيتأخر عليك، لكن ما ينفعش كل ما تتزنق تروح برنامج تجيب سيرة حميد الشاعرى اللي للأسف تاريخك ميجيش تمن تاريخه ولا فنيا ولا أخلاقيا للأسف، ٣٠ سنة من عمرى ما بيعملش حاجة في حياته غير التقليل من الناس ومن الفنانين ومن أعمالهم».
وأضاف: «اوعى حضرتك تفتكر إنك محطوط في خانة الإنسان المحنك، لا للاسف، فرق كبير أوى بينك وبين الكابو حتى في الفكر الموسيقى والمعاملة مع الناس. الكابو كبير مقامة ومش بيرد عليك عشان هو اكبر من كده واكبر منك بالذات، ودايما بيقولى ما تردش على حد. لكن ولاده كبروا ومش حيسمحوا انك تقطع في ابوهم».
وتابع: «هو حضرتك بجد فاكر أن حميد هو اللي بوظ المزيكا في مصر؟ المقسوم إلى حضرتك بتتكلم عليه هو اللي واكل بقاله ٣٠ سنة مع كل الفنانين، وهو سر الاستمرارية والنجاح، مفيش البوم بينزل غير ومقسوم الكابو رانن في الودن».
واستطرد: «لما مذيع صابغ شعره ابيض وفي اللفة يسألك سؤال زى ده، المفروض ردك يبقى تربوى قبل الفنى إنه ازاى يسأل السؤال بالطريقة دى، لكن حضرتك كنت حتطير من الفرحة عشان السؤال في تقليل للكابو».
وأختتم: «حاول يا أستاذ حلمى تكسب الناس عشان الدنيا فانية. متبقاش خسران السيرة الطيبة وكمان الناس».
