باسل النجار = الرياض في الأربعاء 20 يوليو 2022 01:24 صباحاً - كشفت النجمة شيرين عبد الوهاب تفاصيل اللحظات العصيبة التي عاشتها، بعد مشادة مع زوجها السابق الفنان حسام حبيب في أحد الفنادق الشهيرة، وانتهت بقيامها بحلق شعرها.
وقالت شيرين في مداخلة مع الإعلامية لميس الحديدي ببرنامج “كلمة أخيرة” المذاع عبر قناة ON : “رجعنا لبعض بشروط متنفذتش، ورجعوا بناتي يشوفوا الخناقات لتدخله في كل شيء، إنسان معندوش شغل وفاضي تماما للإنسان اللي قدامه، كرهني في بناتي”.
وأضافت : “قالوا إن حسام كتف شيرين وحلق لها شعرها، فعملت مداخلة مع عمرو أديب وقلت في آخر المداخلة إني لسه بحبه عشان أرحمه من اللي هيشوفه من الناس، الناس فاكرة إنه هو اللي حلقلي شعري، وهو فعلا حلقلي شعري لما وصلني إني أعمل كده”.
وتابعت : “كنا في فندق شهير وكانت فضيحة، كنت زعلانة منه وقاعدة في الفندق عشان أبعد عنه، جالي واتخانقنا وجاتلي حالة لو سمحت امشي، وهو لأ انزلي معايا للمأذون دلوقتي”.
وواصلت : “قلت له يعني أنا أبقى شيرين عبد الوهاب ونازلة في أوتيل، ومجرورة بقميص نومي عشان أطلق! ما تروح يا عين أمك جيب المأذون، أو تبقى راجل وتقف تطلقني وتمشي، فضل يستفزني لحد ما مسكت شعري وحلقته بالمكنة”.
