صنعاء - عبدالجليل فارس - فاجأ الممثل شريف إدريس متابعيه على مواقع التواصل الاجتماعي بإعلان اعتزاله الوسط الفني، مشيراً إلى أنه تعرض للكثير من العراقيل بالمهنة بالإضافة لقلة أعماله الفنية في الفترة الحالية.

وكتب إدريس منشوراً مطولاً عبر صفحته قال فيه: "بعد 35 سنة سعي وتعب وشقى في الوسط الفني؛ قررت الاعتزال والابتعاد تماما، وتغيير مسار حياتي، وأي حد عنده فرصة سفر ليا هكون شاكر ليه، وده طلبي الوحيد".
وأضاف شريف إدريس: "ده قرار أخدته بعد ما الأمور وصلت في الوسط الفني لمرحلة عبثية؛ وصلت أني بقيت بشوف بعض الزملاء بيشحتو الشغل علني، علشان يشتغلو لأن الشغل بقى متقسم على ناس معينة، فلو الأمور وصلت لكده أبعد أحسن، حتى لما بيجي شغل، بيتفرض عليك توافق بأقل الفلوس، وتخرج من الشغل مديون، ومواقف مهينة زي أن شركة إنتاج تعرض عليك أجر هو قيمة ربع أجرك، والسبب أن الميزانية مصروفة على الديكور؛ طب خلو الديكور يمثل".
وتابع بالقول: "هحكيلكم موقف حصل معايا من أسبوع؛ اتصل بيا حد قالي عايزين حضرتك بكرة، عندك تصوير في مسلسل كذا، بس هتدفع 10% للكاستينج دايريكتور، كان هيجيلي جلطة بعد ما قفلت المكالمة، ووافقت علشان أنا محتاج أشتغل ومحتاج فلوس، وماقدرتش استوعب الفكرة بصراحة، أني بعد العمر ده.. مضطر أدفع علشان أشتغل.. فاتصلت واعتذرت".
وأكد أن المهنة أصبحت له شبيهة بالتسول معبراً عن ذلك بقوله: "ده الحال حاليًا، أن الأمور بقت في إيد كاستينج دايريكتور، وده موقف من مواقف كتير مريت بيها، لو حكيتها محتاجة كتاب مش بوست على الفيس، فطالما الشغل بقى لازم يتدفعله، وطالما الشغل بقى بالشحاتة، يبقي بلاش أحسن".
وأعرب متابعيه ومحبيه عن حزنهم الشديد لاتخاذه هذا القرار مطالبينه بعدم التسرع وإعادة النظر بالأمر لكونه من النجوم الهاميين في الوسط الفني وفق تعبيرهم.