صنعاء - عبدالجليل فارس - عرض الفنان المصري ​تامر حسني​ على متابعيه ابتداء من ليل البارحة ان يفتح معهم مواضيع نقاشية ليلية حول تجربته بالحياة ربما تكون ذات فائدة للمتابعين.

موضوع البارحة كان حول النجاح، قال حسني لمتابعيه: "احنا في زمن لو احتجت في ايد تدفيك امسك ايدك التانية احنا في زمن يللا نفسي عشان كدة معندناش حل غير كل واحد فينا ينجح".
واضاف حسني: "حبايب قلبي في حب ربنا و حبكم ان شاء الله كل كام يوم هاجي على بالليل كدا نتناقش في موضوع من خلال مشواري و تجربتي في الحياه ، جايز تستفيدوا منه حاجه و جايز يكون في كتير منكوا هيكون كلامي بمثابة اشاره تشجعهم كانوا مستنيينها.
من خلال خبرتي النجاح بيقوي و يجعل كل من حولك يهتم بك و العكس صحيح و اعني بالنجاح النجاح الانساني في علاقاتك بربنا و الناس .. النجاح المهني و تحقيق ذاتك و طموحك و تحديك لكل الصعاب و تخطيك لكل محنك زي ما عملوا كتير قبلك و ظروفهم كانت اصعب منك و وصلوا لاكبر من احلامهم امانه عليكم محدش يكتبلي عاش و هو دا و تقبر قلبي انا عايز افتح باب نقاش حقيقي يخليكوا تاخدوا قرارات مهمه في حياتكم او تتشجعوا و تتحمسوا لخطوات ايجابيه اتكلموا و قولوا اللي جواكم تفريغ احاسيسكم هنا و اي اسأله جواكم او اي مواقف او حكايات لما تتقال هنا هتبقى اول خطوه للصح عشان هتتولّد طاقه كبيره للخير شاهد عليها ربنا ف هتكون خير اوي لينا ان شاء الله في بعض الآراء هرد عليها في الستوري يارب تشوفوا الردود عشان هتخصكوا برضو".
وبالفعل تفاعل المتابعون مع الفنان تامر حسني وعبر كل عن ما يعني له النجاح ووسيلة تحقيق احلامه وامنياته.