صنعاء - عبدالجليل فارس - بعد البث المباشر للفنان المصري ​حمو بيكا​ الذي اساء فيه الى النقابة وللفنان ​هاني شاكر​ النقيب السابق للموسيقيين في مصر، بسبب عدم السماح له بإكتساب عضوية النقابة، نشر الفنان المصري ​محمد نور​ فيديو على صفحته الخاصة على موقع التواصل الإجتماعي، يطالب من النقابة العفو عنه بعد أن إعتذر بالنيابة عن حمو بيكا مؤكداً أنه كل ما يريده الاخير هو العودة للعمل وهو مستعد أن يذهب معه ويعتذر عن ما بدر منه بحق النقابة، وقال معلقا: “لكل أعضاء نقابة المهن الموسيقية، إخوتنا الكبار اللي طول عمرهم معانا في كل كبيرة وصغيرة بعتذرلكم بالنيابة عن حمو بيكا هو أكيد مكنش يقصد، الإنسان وقت الغضب مش بيعرف يقول إيه"
وتابع: "هو بس عاوز يشتغل ودي كلمة أثرت فيا طبعا ولكن ده ميديلوش أي حق أنه يغلط في أي حد من أساتذتنا الكبار هو هيعتذر، وعشان خاطري أنا تقبلوا اعتذاره وأنا هجيبه، وأجيلكم ونخلص الموضوع، وتشغل إن شاء الله”.

كما وجه رسالة لحمو بيكا قائلا: “أتمنى تقرأ الكلام ده وتعتذر وهما مفيش أطيب منهم والموضوع يخلص، أنا بس تدخلت عشان عارف إنك طيب وفي حالك وعندك جمهور بيحبك وهما محترمين فوق الوصف أهل وعيلة حقيقي مش نقابة وعفى الله عما سلف، شكرا وأتمنى من الجميع محدش يغلظ أو كده في الكومنتات أنا فقط مقدرتش أسمع حد بيقول نفسي أشتغل وأنا محاولش أساعد شكرا للجميع طولت عليكو شكرا لأستاذ ​أحمد رمضان​، والمايسترو الأستاذ حمادة أبو اليزيد، وأنا متأكد إنكم تعاونوا معايا وده مش جديد عليكوا.
وبدوره علّق حمو بيكا على فيديو محمد نور وكتب: "شكرًا لأخويا النجم محمد نور، اللي أنت شايفه أنا هعمله، أنا عاوز أكل في بلدي عشان أن بحب جمهوري في بلدي، واللي حضرتك شايفه أنا معاك فيه، وعفا الله عما سلف، وطبعًا أي حد على دماغي ودي مبادرة كويسة منك، شكرًا لدعمك ليا وأنا أخوهم الصغير.