باسل النجار = الرياض في السبت 27 أغسطس 2022 02:41 مساءً - الحديث عن مرض الاعلامي الراحل وائل الابراشى ذو شجون . والجماهير العاشقة تتلهف اى خبر عنه . حتى بعد مماته .
اليوم خرجت علينا عاملة النظافة في منزل الإعلامي الراحل وائل الإبراشي إلهام عبد ربه، والتى كانت تلازمه خلال فترة إصابته بفيروس كورونا . والتلى ركبت الترند .
الهام قالت إنها فوجئت بوجود كمية هائلة من أعقاب السجائر داخل غرفة نومه.
وأكدت خلال التحقيقات أنها عثرت على مجموعة من خراطيم المحاليل، مقيدة في إحدى زوايا السرير.
وأضافت: “أنا كنت شغالة تبع شركة اسمها تاتكس، بنطلع أوردرات لعمال النظافة، وفي شهر 1 سنة 2021، مش فاكره يوم كام، جالي أوردر أروح بيت مدام سحر، زوجة أستاذ وائل الإبراشي، أنا ووصال زميلتي في الشغل عشان ننضف البيت، ودخلنا البيت أنا ووصال ومدام سحر وبهاء السواق، لقينا كمية كبيرة من طفايات السجاير، مليانة أعقاب سجاير مطفية فيها، وكمان في الكوبايات، في الجزء اللي فوق واللي تحت كمان، ولقينا بواقي أكل كتير في المطبخ، في أكياس وأطباق، في الجزء اللي تحت من الفيلا، ولقينا خراطيم من اللي بيتعلق فيها محاليل، وكان متعلق فيها كيس محلول فيه الربع، وكانت الخراطيم مربوطة بجوانتي في السرير، وكمان كان فيه أدوية كتير، وكرتونة فيها محاليل، وكرتونة سرنجات، وكان فيه جهازين شكلهم غريب، في الجزء اللي فوق، وساعتها نضفنا كل الحاجات دي، ورميناها في الزبالة، ما عدا الجهازين، شيلناهم على جنب”.
وواصلت: “غرفة الأستاذ وائل كانت أكثر غرفة مبهدلة، كان فيها أدوية كتير، ومرتبة على الأرض، وبطاطين، وكان فيه محلول متعلق على السرير بتاعه بخراطيم، مربوطة بجوانتي، وكان فيه طفايات قليلة، وكوبايات شاي وقهوة كتير متطفي فيها سجاير بكميات كبيرة، وكان فيه علبة أكياس محاليل، وكرتونة سرنجات، وكان فيه سرنجات مفتوحة مستعملة، وكان فيه جهازين شكلهم غريب، لقيناهم وشيلناهم على جنب، وبقية الأرض كانت متبهدلة البهدلة العادية؛ عشان بقالها كتير ما اتنضَّفِتْش، وتقريبا ما كانوش بيستخدموها، واحنا لمينا الحاجة ورمينا المحاليل والسرنجات المستعملة، وفضِّينا الكوبَّايات والطفايات اللي كانوا متطفيين فيها سجاير، ونضَّفنا الأوضة، وحطينا الجهازين على جنب، وما أعرفش الحاجة اللي ما اترمتش فين”.
