باسل النجار = الرياض في السبت 10 سبتمبر 2022 09:43 مساءً - رد الفنان هاني شاكر على الشائعات التي انتشرت خلال الفترة الماضية عن منعه الفنان كاظم الساهر من الغناء في مصر، وأن الأخير عاد لإحياء الحفلات بعد استقالته من منصبه كنقيب للموسيقيين.
وقال هاني شاكر في لقاء مع et بالعربي: دي ناس عبيطة وساذجة لو حد يقولي أقدر أمنع إزاي همنع، بس مش همنع كاظم الساهر، همنع الناس اللي مشوهه الفن.
وتابع: كاظم الساهر بقاله 12 سنة مجاش مصر، أنا بقالي نقيب 7 سنين، طيب الـ5 سنين اللي قبلهم أنا منعته إزاي، كاظم صديق عمري وحبيبي وأتشرف بيه أنه يغني وأغني معاه، وأنه يغني في بلدي الشعب المصري أنا عارف بيحبه قد إيه، دا كلام فارغ وضحكت لما سمعته.
وعلق هاني شاكر على قرار تركه منصبه كنقيب للموسيقيين وتصريحه في أحد البرامج أن توليه هذا المنصب كان “غلطة وندمان عليها” وقال: كنت بهزر، مينفعش يبقى الجلوس على الكرسي اللي قعدت عليه أم كلثوم سيدة الغناء العربي وموسيقار الأجيال محمد عبد الوهاب غلطة وندمان عليها.
