باسل النجار = الرياض في الأربعاء 14 سبتمبر 2022 04:11 مساءً - كشف الفنان فتحى عبدالوهاب، العديد من الجوانب الشخصية عن حياته، خلال لقائه في برنامج “AB Talks” الذى يقدمه الإعلامي الإماراتي أنس بوخش على موقع الفيديوهات الشهير يوتيوب.

وقال فتحي عبدالوهاب خلال لقائه: “يجيلي أوقات ببقى ناقم من حاجة أو متوقع شيء ومش بيحصل، أو حاجة بتحصل مش زى ما أنت عايزها بالضبط بس بعد شوية أنت بتبتدي تقبل فكرة تقلب الحال فعلشان كدا الحمد لله دايمًا، وأنا فى الفترة دى تقدر تقول إنى مقدرش أقيم أنى كويس أو لا أو مضغوط ولا لا”.

وأضاف: “السعادة كانت بتيجى بأمور بسيطة جدًا دلوقتي السعادة عزيزة وغالية، ومش بالضرورة الحاجة اللى كانت بتسعدك فى زمن فات أو فى ذكرى أن هى تفضل تسعدك لأن أنت مبقتش نفس الشخص لأنك بكل لحظة أنت بتتغير والعالم حواليك بيتغير”.

وتابع :”بس بيفضل برضو حاجة أنت لما بتفتكرها النهارده وهى عدى عليها سنين بتلاقى نفسك ابتسمت وبترجع لنفس الوقت دا”.

وأوضح: “بشوف أن أنا بشكل ما متسرع وحكمى بيبقى عاطفى مش عقلانى فى بعض المواقف، وأنا بشوف إن دا حاجة مش تمام ومش المفروض أبقى كدا، وأنا شخص كسول جدًا وبزهق بسرعة يمكن عشان أنا شوية مش متفائل والحياة مش طول الوقت عندى بمبى”.