باسل النجار = الرياض في الأربعاء 28 سبتمبر 2022 03:29 مساءً - حل الفنان صبري فواز ضيف مع الإعلامية قصواء الخلالي، في برنامج “في المساء مع قصواء”، المذاع على فضائية “cbc”.
قال صبري فواز خلال مقدمة البرنامج :” إن من أكثر الجمل التي لا يحبها ولديه موقف ضدها (مش هيجي زيه)، مشددًا على أنها جملة قاتلة وتصادر على المستقبل”.
وعقّب بقوله: “لأ، دايما هيجي أحسن ودايما في أحسن”.
وتابع من خلال حواره في البرنامج : “كل جيل بيبقى أحسن من اللي قبله، وكلمة مش هيجي زيه مصادرة للمستقبل ووحشة، لكن الشباب اللي جاي أحلى بكتير مننا وسابقينا بكتير لكن إحنا مشهورين عنهم”.
وحرص فواز على توجيه التحية للمبادرة الرئاسية “حياة كريمة”، بسبب مسرح “المواجهة والتجوال”: “بيروح للقرى والأرياف وفي حاجات حلوة جدًا، وشغف الأطفال حاجة تفرح جدًا”.
وعن الفنان خالد صالح، قال: “حبيبي، رحمه الله، كنا دايما نتوعد بعض إننا هنقطع بعض تمثيل وكنت أقوله هوريك التمثيل على حق ربنا، ودي حاجة معرفتش أعملها إلا مع خالد بس، واخاف أعملها مع حد تاني ياخدها بحساسية ويزعل”.
وتابع: “أفتقد خالد صالح جدًا لأنني أحب اللعب بهذه الطريقة، كنا بنقدر قيمة بعض في التمثيل، وكنا بننكش بعض طول النهار، والمنطقة دي أنا مفتقدها وهي مش موجودة كتير، ربنا يرحمه”.
