الأربعاء 23 فبراير 2022 02:18 مساءً - أكدت الإعلامية المعتزلة ريهام سعيد إنها تشعر بقرب وفاتها، وهي تشعر بالظلم الكبير لأنها كانت تحصل على أقصى العقوبات، وذلك بالرغم من أنه يتم التغاضي عن الكثير من الأخطاء التي يرتكبها العديد من زملائها الإعلاميين أو تخفيف العقوبات عليهم.
سبب إعلان ريهام سعيد إعتزالها السوشيال ميديا
وكتبت ريهام سعيد من خلال منشور لها عبر صفحتها على موقع التواصل الاجتماعي فيس بوك، قائلاً “أقسم بالله كل حرف هكتبه صادق و من قلبي.. أنا حاسة إن أنا هموت قريب عشان كده هبعد عن السوشال ميديا عشان أقعد مع أولادي أكتر وقت ممكن خصوصا ابني الصغير”.
ريهام سعيد تؤكد أن إحساس الظلم يقتلها بالبطئ
واستكملت قائلة “يمكن سحر يمكن اكتئاب ويمكن حقيقي.. غالبا إحساس الظلم كان بيقتلني بالبطيء في يوم من الأيام الدنيا قامت علىّ عشان تعلب، أما المعراج وإنكارها عادي .. تامر أمين يغلط في الصعايدة قاصد أو مش قاصد يتوقف ٣ شهور، لكن أنا أعمل أكبر حملة للسمنة وأعالج آلاف من السمنة وعمليات ببلاش ويفتروا عليّ و يقولوا إني قلت أن ريحتهم وحشة وأتوقف سنة”.
النتائج المترتبة على توقف برنامج صبايا الخير
وأضافت ريهام سعيد قائلة “كفاية أننا عالجنا أعداد مهولة من الشباب من المخدرات ورحت أماكن خطر جداً عشان أوعي الناس بدل ما أتكرم ألاقي نفسي نايمة في أوضة متر في متر مع تاجري مخدرات”.
وأنهت ريهام منشورها قائلة “البرنامج يتوقف أطفال تموت ومدرسة ذوي الاحتياجات الخاصة اللي فاتحينها تتقفل وتطلع ريهام أفاقة وكدابة.. لو فضلت أحكي هحكي كتير بس أنا موجوعة ومش قادرة أحكي.. لو مت أنا مش مسامحة.. مش مسامحة أي حد قال عليّ كلمة واحدة مش حقيقية أو علي السمع.. مش مسامحه أي صحفي كتب عني كلمه ظلم مش مسامحة أي واحد كتب كومنت موت بيها أطفال القلب.. كفاية أن أي حاجة الإعلام بيتكلم فيها دلوقتي أنا متكلمه فيها من عشر سنين .. مش مسامحة و لا هاسامح .. مش مسامحة اللي بتسحرلي كل شوية”.
