باسل النجار = الرياض في الثلاثاء 18 أكتوبر 2022 10:37 صباحاً - ردت المنتجة سارة الطباخ على اتهامات محمد عبد الوهاب، شقيق الفنانة شيرين عبد الوهاب، حول تواطؤها مع الفنان حسام حبيب لإلحاق الأذى بشقيقته.

قالت “الطباخ” خلال مداخلة هاتفية مع الإعلامي عمرو أديب في برنامج “الحكاية”، المذاع عبر شاشة “mbc مصر”: “لما روحنا المستشفى قالولنا مفيش حد عندنا بالاسم ده، كنا عاوزين نتأكد هي موجودة ولا بخير وحاولنا نتطمن بكل الطرق هي موجودة في هذا المكان ولا لأ، كان معايا حسام وصديقة عمل لشيرين، حتى لما كلمت المساعدة عند شيرين في البيت قالتلي شيرين سافرت وده خلانا نتوتر أكتر”.

أضافت: “أنا قصتي كلها إن شيرين تكون بأمان لأنها تهمني كإنسانة وأكلت في بيتها عيش وملح وأعرف ولادها كويس جدا، وحسام قالي إن شيرين اتاخدت عنوة من المنزل بالضرب والسحل وبهدوم البيت وحتى بدون حذاء”.

كما نفت المقاطع المتداولة حول وقوفها أمام المستشفى مع حسام حبيب للنداء على شيرين من الخارج، معلقة: “ده خيال علمي إني أروح هناك وأخد معايا صحافة، أنا كنت هناك من 3 الفجر ونازلة بالبيجامة أكيد مش هاخدهم وأنا نازلة بهذا المنظر، أنا مكنتش راحة غير عشان أتطمن على شيرين عبد الوهاب”.

استطردت: “الموضوع دلوقت مع المستشار ياسر قنطوش، محمد أخوها بيساعد الناس تشوه صورتها أكتر لأن شيرين مش صغيرة هي ست واعية”، كما أوضحت أن الطبيب المسئول عن حالة شيرين قد صرح سابقا أن حالة شيرين مستقرة وبخير، لذلك من الغريب حجزها عنوة داخل مستشفى نفسية، مؤكدة على عدم وجود أي مشاكل بينها وبين شيرين.