باسل النجار = الرياض في الأحد 23 أكتوبر 2022 09:58 مساءً - حرص الفنان تامر حسني على، التعليق على إهداء الفنانة هنا الزاهد الجائزة التي حصلت عليها من مهرجان الفضائيات العربية كأفضل ممثلة له، بأنها بنت جميلة، مشيرًا إلى أنه كان فاقد الأمل في وجود هذا النوع من القلوب الجميلة، وذلك من خلال مشاركته مقطع فيديو لها لحظة استلام الجائزة عبر حسابه الشخصي بموقع التواصل الاجتماعى فيسبوك.
وكتب تامر حسني على الفيديو: ” بكتب بوست عن هنا والله، والله مش عشان بتهديلي الجائزة لا، بكتب كلمة من قلبي عشان هي بنت قلبها جميل ومقدرة المجهود اللي عملته عشانها وعشان كل الممثلين، نوع القلب دا مبقاش موجود أوي، ياما ناس بتساعد ناس بس نادرين أوي اللي قدروا المجهود دا وعندهم قلب جميل يخليهم مينسوش تعب الناس اللي كانوا جنبهم وأخلصولهم من كل قلوبهم، كنت فاقد الأمل في النوع دا من القلوب، يمكن عشان قدمت ناس كتير وللأسف معظمهم قلوبهم اتغيرت بعد ما نجحوا”.
وتابع حسني : ” بس للأمانة، هنا الزاهد هي هي نفس القلب الأبيض الجميل من أول يوم اكتشفتها فيه في مسلسل فرق توقيت بدور بسيط في بدايتها لحد فيلم بحبك اللي هي بطلته دلوقتي، الفيلم اللي حقق أعلى إيراد دولي في تاريخ مصر والعرب وتجاوز الـ ٦٠٠ مليون في ظاهرة أولى من نوعها، ومش بس إيرادات، لا دا حقق أعلى عدد زوار سينما في تاريخ السينما وبتتكرم عنه دلوقتي بجايزة مبياخدهاش إلا المتميز المبدع، افرحي بنجاحك وبشغلك الرائع في الفيلم، مبروك يا هنا كل الناس بتحبك وكل الناس فرحانة بيكي وأنا بجد فخور بيكي وبقلبك الجميل المحترم الأصيل، شكرًا على الجائزة مستنيها في شركتي مليش دعوة، مليون مبروك يا أجمل هنا”.
