باسل النجار = الرياض في الأحد 23 أكتوبر 2022 09:58 مساءً - رد الفنان أحمد العوضي على منتقديه بعدما قام بدعوة عامل النظافة الذي مُنع من الجلوس وتناول الطعام داخل أحد فروع محل كشري شهير إلى العشاء في مطعم أسماك.
ونال العوضي اتهامات باستغلال تريند عامل النظافة رغم تأكيده بأن ما فعله مجرد جبرا لخاطر العامل الذي تعرض للإهانة على حد قوله.
وفي مقطع فيديو نشره العوضي عبر صفحته الرسمية على Facebook، قال العوضي ” الناس اللي بتقول ده شو وصورت الراجل والكلام دا لو أخوك عنده مشكلة في الشارع بتجيب حقه قدام الناس في المكان اللي اتعمل عليه نمرة فيه.. اللي بينك وبين ربنا الصدقة، أنا مورتكش اديته كام ولا عملت له إيه، أنا جبرت بخاطره، لأن مَن صار بين الناس جابرًا للخواطر أدركه الله في جوف المخاطر.
وتابع العوضي: الراجل اتكسر قدام الناس، فحقي اطلعه منصور قدام الناس برضوا، ده من حقي ودوري لو ربنا مديني شُهرة أني استخدمها، ربنا إداني الشهرة لسبب وبستخدمها في السبب اللي يرضي ربنا، ودي حاجة بيني وبين ربنا، اوعى تفتش في النوايا.. أنت مش قاضي في الأرض.
وأضاف العوضي: كل الموضوع أني نزلت بوست لا صورته ولا حاجة، لأن أنا راجل ابن شارع أنا قاعد في الشارع طول عمري، وهفضل في الشارع وهفضل أراضي في خلق الله، دي حاجة بيني وبين ربنا.
واستكمل العوضي: لما قابلت الراجل، قلت له هناكل أنا وأنت في طبق واحد، لأن كلنا واحد وولاد تسعة أنا مبسطها، الدنيا مش كلها اللي أنت شوفته.. أنت أخويا وكلنا ولاد آدم، واللي عملته مش مقصود بيه شو ولا أي حاجة، اللي أسعد الراجل أنه حس أنه منصور ولقى شغل.
وقال العوضي لمنتقديه ” ياعم قلدني.. دي حاجة كبيرة أنك تفتح له باب رزق، وأنا ربنا جعلني سبب لوظيفته الجديدة، أنا مش ناقص شهرة، بس بصدر لك حاجة كويسة.. لو عايز تقلدني قلدني أنك تجبر خاطر الناس، وربنا يقدرنا على فعل الخير.
وكان مطرب الراب ويجز قد أثار مغني الراب ويجز الجدل بعد رسالة كتبها عبر خاصية القصص القصيرة في حسابه على Instagram انتقد فيها قيام البعض بالمتاجرة بفعل الخير الذي يقومون به لسماع كلمات الاستحسان من الجمهور.
