باسل النجار = الرياض في الثلاثاء 6 ديسمبر 2022 06:33 مساءً - بحماس كبير ينتظر الجمهور الجزء الرابع من مسلسل “اللعبة” لاستكمال مغامرات “مازو ووسيم”، وزادت الفنانة ميرنا جميل من حماس الجمهور بعد حديثها عن شخصيتها.
وقالت ميرنا جميل في لقاء مع برنامج The Insider بالعربي عن شخصية “إسراء”: مش هقدر أحرق الأحداث لكن في هيبقى في مفاجأة، حاجة جديدة ليها علاقة بإسراء وهتبقى معاها طول الوقت.
وتابعت متحدثه عن فكرة وجود مشاهد تم تصويرها خارج مصر: الموضوع صعب لأن إحنا كتير في 12 ممثل أساي دا غير باقي فريق العمل، لو سافرنا هتبقى تكلفة كبيرة.
وعبرت ميرنا جميل عن سعادتها بنجاح المسلسل على مدار 3 مواسم وقال: الناس حافظة إفيهات المسلسل وبتسمعها وحافظة أسامينا رباعية.
ولأن ميرنا جميل نجحت الفترة الماضية في أعمال كوميدية لكنها أكدت أنها لا تصنف نفسها كممثلة كوميدية وقالت: أنا مش مصنفة كوميديانة وأتمنى أقدم أكشن واستعراض ورومانسي، جالي حاجات مختلفة لكن بستنى ومش بقبل بأي حاجة، في كلمة قالها أستاذ عادل إمام وبحاول أطبقها وهي “قوة الرفض” إن يجيلك مشروع كبير وهتاخد فلوس كتير ومعاك فريق كويس بس أنت مش حاسس نفسك فيه.
