باسل النجار = الرياض في الجمعة 20 يناير 2023 02:21 صباحاً - تحدثت غادة عادل عن تفاصيل دورها في فيلم البطة الصفرا، قائلة: “أقدم شخصية جديدة جدًا علي ومختلفة وخوفتني، والشخصية نفسها فيها حاجات كتير أنا معملتهاش في مشواري الفني قبل كده، وده حمسني إن فيلم كوميدي في دور البنت كبير ومهم”.

كشفت النجمة غادة عادل عن سبب موافقتها على المشاركة في فيلم “البطة الصفرا” بعد رفضها تقديم أي عمل كوميدي في الفترة الأخيرة.

قالت غادة عادل: “في البداية كنت مترددة، لكن رامي السكري ومحمد حفظي منتجي الفليم طلبا مني قراءته فقط، قولت لهم أنا مش عايزة أعمل كوميدي الفترة دي، فقالا لي طيب ممكن تقرأي بس علشان عايزين رأيك، ولما قرأت، من ربع الفيلم قولت لهما أنا شكلي هعمل الفيلم ده لأن الشخصية عجباني، والفيلم عاجبني”، حسب تصريحاتها لبرنامج “The Insider بالعربي”.

وتابعت: ساعات بيبقى دور البنت في الأفلام الكوميدي مش حلو، ودي كانت أكتر حاجة بتضايقني شوية في الأفلام الكوميدي أن بيبقى دور البنت علشان لازم يبقى فيه واحدة تعمل أي حاجة مش مهمة، ولكن لما قرأت الفيلم ده هو فيه فيلم حلو وتقيل والكوميديا السوداء وفيه موضوع وفيه شخصيات حلوة.

https://www.instagram.com/theinsiderar/?utm_source=ig_embed&ig_rid=49ac4c0d-ca27-491a-9c22-81e6ca50c5eb