باسل النجار = الرياض في الاثنين 20 فبراير 2023 09:43 مساءً - قال الفنان سامح حسين ان اصعب ايام حياته هي وفاة “والدتي ” ثم وفاة اخويا الصغير غريق فى الاسكندرية ، و انه يعتبر هو اللى ربى اخواته و انا بعتبرهم اولادى ، ووالدى ووالدتى كانوا منفصلين و انا كافحت مع والدتى علشان نربى اخواتى ، و عشنا فترة صعبه انا و امى كانت بتقول لقرايبى انها مربية فراخ فى المنور و عاوزه بواقى الاكل ليهم و كانوا يدوها بواقى الاكل و كنت انا و اخواتى الفراخ اللى بناكل البواقى ، و انا بحترم جدا كل اللى بيشتغل و يصرف على اهله ، و كنت بشتغل فى الفاعل اطلع رمل و طوب لحد ما ظهر وجعنى و مازلت اعانى منه الى الان علشان اساعد امى و انا لم اخجل من اى شيئ بالعكس كان ربنا بيطبطب عليا دايما .

و اضاف سامح خلال حلوله ضيفا ببرنامج واحد من الناس انه كان واخد على خاطره من والده لانه ترك امه و اخوته فى هذه الظرف لكن خلاص كل حاجة راحت و حاول يعتذر قبل وفاته ، لكن كان خلاص ، و انا على علاقة جيدة جداً باخواتى من والدى و بوالدتهم و كانت هى ووالدتى اصحاب جداً و كنا ساكنين فى بيت واحد لدرجة ان زوجة والدى مازلت لابسه اسود بعد وفاة والدتى من حبها لها و انا بعتبرها زى امى و هى دى الروح الجميلة التى تربينا عليها فى حى شبراً و بحب اخواتى جدا ، و لم يتمالك  سامح حسين دموعه على الهواء .