باسل النجار = الرياض في الأربعاء 1 مارس 2023 09:29 مساءً - ” بعد وفاة أبويا بقرب سنة .. أنا نايم والمفروض أصحى وعندي تصوير فجأة لقيت أبويا بيصحيني بس مفيش لمس مفيش حاجة .. بيقولي بطريقته إيه صباح الفل .. وأنا بتعامل على إنه عادي مفيش حاجة .. قلتله صباح الفل .. قلّي قوم بقى خد دش حلو وروح التصوير بتاعك فايق كده وفريش وحلو وبتاع .. وقال حاجة ضحكتني فضحكت وديّرت وشي ببص تاني ملقيتوش ..
بعد فترة بيتر كلمني وقلّي عالفيلم – فيلم موسى – رحت أقراه في وسط الفيلم كده لقيت مشهد بعد وفاة الأب .. لقيت نفس المشهد هوّ هوّ اللي حصلي .. وفجأة الأب بيظهر وبقوله طب عايز تشرب .. فببص تاني ملقيهوش ..
أنا حصلي حالة غريبة لما قريت السيناريو على خفيف .. وقت التصوير بقى كنت ببص لعم صلاح عبد الله كإن شايف أبويا وحصلتلي حالة عياط فعلي ”
* جزء من لقاء الفنان كريم محمود عبد العزيز في برنامج معكم ، عن والده الفنان محمود عبدالعزيز “رحمه الله تعالى”