باسل النجار = الرياض في الاثنين 6 مارس 2023 11:49 صباحاً - قالت الفنانة ميرفت العايدى وهي البنت اللمضة الشقية فى فيلم “الحفيد ” واللى قالت لعبد المنعم مدبولى (بابا انا مش عايزة اولد .. خلى جوزى هو اللى يولد ) ، انها دخلت التمثيل بالصدفة ، حيث ان كان لهم جار بيشتغل فى الاستوديو و انا كنت لمضة اوى و انا صغيره و الناس كلها بتحبنى ، فالتحقت للعمل معه في الاستوديو
وسرد موقف لها ان الاستاذ عاطف سالم شافنى و هو كان بيدور وقتها على طفلة تعمل الدور ده و قال لى قول كده الجملة دى فقولتها طيب ارقصي فرقصت فقال لى خلاص هاتخدي تعملى الدور .
و اضافت ميرفت و ذهبت الي الاستوديو و على الكاميرا علشان اخد على الجو ، و قعدت فترة طويلة تقريبا عايشه معاه ليل نهار حضرت معظم مشاهد الفليم و خروجات و فسح و مشاوير عائلية ، كل ده علشان يقدر يحتوينى و اعمله الدور زى ما هو عاوز ، و كان عمرى وقتها ٥ سنوات .
و تابعت ميرفت ان اصعب مشهد لها فى التمثيل ، كان فى مسلسل “الا الدمعة الحزينة ” مع الاستاذ احمد زكى ، و هو مشهد العياط لانى كنت طفلة قاعدة فى الاستوديو بلعب و بهزر فجأة بيقولو لى ادخلى عيطى و عيدنا المشهد ده كتير ، و انا بطلت التمثيل فى سن ١٢ سنة لانى لم استطيع التوفيق بين التمثيل و التعليم .
و ايضا من المشاهد الصعبة فى فيلم يا رب توبة مشهد كانت مدام سهير المرشدى بتحط المخدة على وشي و اموت ، انا رفضت و فضلت تحايلنى و تقولى متخافيش لحد ما عملته .
