باسل النجار = الرياض في الثلاثاء 21 مارس 2023 05:29 مساءً - قالت الفنانة نهال عنبر انها كانت حريصة علي زواج ابنها المخرج حسام الحسينى وهو في سن صغير حتي تفرح بزواجه واولاده وتريد اولاد كتير لان حسام هو ابنى وحيد .

و اضافت خلال لقاءها مع الاعلامى دكتور عمرو الليثى ببرنامجه واحد من الماس على شاشة الحياة ، انا هتجنن على العزوه و انا جوزت حسام ٢٢ سنة ، و أهلى اعترضوا عليا كيف تزوجيه وهو لسه صغير ، و لكني اصريت على زواجه .

و تابعت نهال انا ايضا تزوجت فى سن صغير ١٨ سنة و هذا جعل هناك علاقة امومة و صداقة بينى و بين حسام ، لان الفرق بينى و بينه مش كبير ، و انا كنت الأب و ألأم لحسام لان والده كان على طول الوقت مسافر فى شغله ، و انا كنت حنينه جدا و شديدة فى نفس الوقت لكن مش قاسيه .

و كشفت عن سر لأول مرة  انها خاصمة ابنها حسام ٦٠ يوم علشان رد عليها فى الكلام ، كان عاوز يروح ديسكو و هو فى سن شباب ، و انا كنت بخاف من الحاجات دى فقلت له مش هتروح و لو عاوز تروح هروح معاك ، فقال لى ازاى انا كبرت فقولت له مش هتروح فقال لى حرام عليكى بقى ، فشاهدنى و انا بوطى امسك سبت الزبالة علشان احدفه بيه فجرى منى ، فقلت له امامك شهرين لا انا امك و لا تعرفنى ، و احفادى طالعين شخصيتهم قوية مثلى  ، و انا اخدت ده من ماما لانها كانت من اصول شركسيه و كل حاجة عندها رولز و بنظام .

و تابعت انا لما احفادي بيعملوا حاجة غلط صوتى بيجيب البيت كله ، و ورثوا منى الكرم وايضا لون عينى عسلى .