باسل النجار = الرياض في الأربعاء 5 أبريل 2023 06:57 مساءً - يعتبر الفنان كريم فهمي تحمله مسؤولية نفسه في مرحلة مبكرة من حياته أحد عوامل اكتسابه خبرة كبيرة، استفاد منها في عمله سواء كممثل أو كمؤلف.

وقال كريم فهمي خلال استضافته في برنامج “أنا والقناع”، الذي تقدمه الإعلامية منى عبد الوهاب عبر قناة الحياة: “المسؤولية بدأت من بدري، ومع مرور الوقت أعطتني الخبرة للخروج من المواقف الصعبة، وخبرة كبيرة في شغلنا في التمثيل والتأليف”.

وأضاف: “أنا لعبت سنتين في الأهلي، و9 سنين في الزمالك، وكنت في منتخب مصر، وكنت في نفس الوقت في مدرسة كويسة جدا”.

وتابع: “كان في اختلاف ثقافات، ما بين نادي الزمالك في ميت عقبة والعيال الحلوة الرجالة، وعيال حلوة في المدرسة لكن مع شوية دلع، ودايما عايش في صدمة هنا فرفور وهنا جامد”.

تحدث كريم فهمي خلال اللقاء عن تأثير انفصال والديه في حياته قائلا: “من أول ما إتولدت لغاية سن 15 سنة كان تقريبا في بقي معلقة دهب. كنا عيلة متوسطة، لكن أهلي سعوا عشان يكون عندنا أحسن حاجة، وأنا وأخويا أحمد ندخل أحسن مدارس”.

وأضاف: “هما انفصلوا وأنا تقريبا في سن 15 سنة، في مرحلة ثانوية عامة، وساعتها كنت فاكر إني كبرت وفاهم الحياة، وبعد الانفصال حصل انهيار تام في كل حاجة، وفي الفترة دي أنا وأحمد كنا كل واحد عايش لوحده ومسؤول عن نفسه، وبدأت أشتغل وأشوف الصعوبات، عشان الدروس في ثانوية عامة ولما دخلت الجامعة”.