باسل النجار = الرياض في السبت 8 أبريل 2023 04:53 مساءً - بدأ عرض مسلسل “جت سليمة” في النصف الثاني من رمضان 2023، الذي تشارك في بطولته النجمة دنيا سمير غانم ومحمد سلام.
ولفت تتر المسلسل الأنظار، وتغنيه دنيا سمير غانم ومن كلمات أيمن بهجت قمر وألحان عمرو مصطفى وتوزيع نابلسي.
وكلمات الأغنية هي:
لحياة زي الكتاب
تتقسم 3 فصول
وامتحان بعده الحساب
بالتفاصيل وبالأصول
والأبطال هما الناس
وتدور بينا الأحداث
فيها المتوقع والسهل
وفيها اللي مش معقول
ويا جت سليمة يا روح قديمة العب بعيد
مش فيلم سيما دي دنيا
مين يقدر يعيد؟
بديهيات ثابتة واسألوا رمضان يا عيد
الفصل الأولاني.. ملناش أي اختيارات
اسمك وأهلك نصيب
وإحنا يادوب بيبيهات
ندخل بقى على الفصل التاني وإحنا وحظنا
حادي وبادي وكاني وماني ونبدأ فرزنا
حبة إيماننا يطب وحبة شيطاننا يوزنا
وبنجري بين صفحة وصفحة
سطرين شقا وسطرين فرحة
في صورنا مرسوم مشورانا
والشخصيات جاية ورايحة
ويا جت سليمة يا روح قديمة العب بعيد
عداد وبيعد وحساب عمال يزيد
والفرصة عندك كل يوم في نهار جديد
ويا جت سليمة يا روح قديمة العب بعيد
مش فيلم سيما دي دنيا
مين يقدر يعيد؟
بديهيات ثابتة واسألوا رمضان يا عيد
