صنعاء - عبدالجليل فارس - بعد إنتهاء شهر رمضان المبارك، وإنتهاء السباق الرمضاني، توجهت الممثلة وبطلة مسلسل "للموت" ريان حركة إلى صفحتها الخاصة على موقع التواصل لشكر كل من تابع المسلسل وساهم في عمله ونجاحه لثلاث سنوات على التوالي، وذلك من خلال نشر فيديو من المسلسل، وكتبت: "متل ما عوّدناكن معنا، بـ"للموت" ما فيكن تتوقعو شي.

واقع حياتنا ومعاناتنا مترجم ل دراما عالشاشة.
شكراً لانكن حضرتونا ٣ سنين و تعلقتو بالشخصيات، شكرا ل دعمكن الدائم، بحبكن كتير.
شكراً استاذ جمال سنان على هالاعمال. شكرا على ايمانك فيي و على الفرص الحلوة، اللي جاي معك اكيد احلى. الله يقويك.
المخرج فيليب أسمر والكاتبة نادين جابر بحبكن كتير كتير … شكرا على كل شي عملتوه، بتعقدو شكرا لكل فريق العمل فرداً فرداً بدون ما اذكر اسماء، لوما تعبكن معنا ما منكون مرتاحين و بافضل حالاتنا عالكاميرا.
زملائي الممثلين، اللي بالأحرى بدي قللكن، عيلتي التانية و اصدقائي المقربين. شكراً لانو على مدار ٣ سنين صرنا عيلة وحدة، عنجد من كل قلبي بحبكن و بعرف انو كلنا عنا محل خاص بقلبنا ل كاست مسلسل للموت .. بترفعوا الراس.
شكرا لكل اللي اشتغلو عالعمل وفي النهاية | هذه ليست النهاية".